扑野射唔到精

同女朋友一齊扑野已經有一年
但有陣時都唔射唔到
係扑左成廿分鐘到無力都射唔出嚟
直到佢無水,之前我又開始軟
當以前ex搞我(唔係扑野,但搞到扯晒)係會睪 丸痛
但依加呢個痛都唔痛苦,正常應該係睪丸唔放鬆好興奮先會導致疲勞即係痛
但無射扑完都唔會睪丸興奮同扯都無咁硬咁興奮

係咪我有問題?

仲有廿歲頭我一日扑野都射唔到兩次
係咪我真係有d問題?

你好呀 @Condom ,都睇得出你好著緊自己嘅性能力,不過都想瞭解多少少先。:thinking:

見你話你地都維持咗差唔多一年嘅性行為,都想知道咁嘅情況係幾時開始出現架?:face_with_monocle:

你話你射唔出,都想知道你係抽插嘅過程中會唔會有快感架?姐係陰莖有無傳來爽嘅感覺呀? 定係一邊抽插,但係其實就一邊慢慢軟咗?:thinking:

另外你ex係點樣幫你手淫架?係咪無接觸過睪丸但係都會痛呀?:face_with_monocle:

其實性生活出現狀況,有時都未必係單方面嘅事情嚟嘅。可以粗略分為兩大類原因啦,就係生理上同心理上。:nerd_face:

生理上係指身體結構出現咗一啲問題導致性功能出現咗異常,例如患上糖尿病或者心血管疾病導致陰莖海綿體充血不足或者唔能夠維持一段時間。:drop_of_blood:

另外如果食緊一啲藥物,例如降血壓藥同埋鎮靜劑等等,都會出現性功能障礙嘅,當然唔少得嘅仲要食煙同飲酒啦。:smoking::wine_glass:

你可以諗下自己平時自慰嘅時候能唔能夠射精、早上有無晨勃同埋有無夢遺,如果有其中一樣嘅話,其實你生理上基本上都無問題嘅,可以排除係生理嘅問題,同自己講你性功能係無問題嘅。如果你係性行為嘅時候先射唔出嘅話,就有可能係心理上出現咗問題啦。

心理上就係一啲壓力同埋焦慮啦,好多時性行為出現咗異常情況,特別係男性,都係心理上嘅問題居多,唔單止生活、工作、人際上嘅壓力,仲有你每次都擔心自己係性方面嘅表現唔夠好嘅焦慮。有啲情況係,發生過一次性行為途中軟咗,無辦法完成抽插,呢個男人就會係下一次性行為嘅時候不斷同自己講:「今次一定要得/要好過上次!」呢啲都係一啲自己俾自己嘅壓力嚟,當你越想表現得好啲,就會俾越大壓力自己,越大壓力就會越唔得,越唔得就會越焦慮,越焦慮壓力就越大,如是者,不斷循環落去,慢慢就算無壓力都好難恢復以前嘅狀態。呢個單單淨係講緊自己心裡面所諗嘅嘢就已經好複雜啦,當伴侶再有抱怨、諷刺、責罵、調侃等等言語上嘅回應,就會加深自己否定自己嘅諗法,但同事又會俾壓力自己,到頭來就更加難解。:confounded:

都想知道你覺得20分鐘係咪一個你自己覺得滿意嘅時間?同埋係過程中有無想射精嘅感覺?定係一直都無咩感覺?:confused:

建議你同伴侶傾下呢個情況,或者安排一場無咁刻意嘅性愛,例如係無預計會有性行為嘅日子發生性行為,話唔定會突然好有感覺,因為唔係你所安排好,係開始之前就唔會有咁多壓力同埋干擾,好純粹咁嚟一場性愛,話唔定都有奇效架。:smirk:

至於話睪丸痛嘅情況,就真係要去搵醫生檢查下啦,唔洗怕醜架,你可以去搵家計會或者泌尿科檢查下,佢地都好明白同好瞭解你嘅,你打個電話去book就可以架啦。:slight_smile:

家計會-聯絡我們

如果仲係好擔心,都可以繼續同我地傾架,糖不甩嘅大家都好歡迎你架。