擺左兩日的驗孕棒

我一路都係大概28-30日到黎M
但係上個月就遲左10日先黎 上個月黎M之前食過一次事後丸
呢個月又遲黎左 喺第34日用驗孕棒驗過 驗完即刻睇 結果冇懷孕 但係我過兩日攞返出嚟睇 就多左一條線
說明書裏面寫10分鐘內睇 咁10分鐘之後再睇係咪就可以無視佢?定係會唔會個荷爾蒙太低所以10分鐘內顯示唔到?
另外 會唔會係因為上個月遲咗 加埋食左事後 所以令到經期亂左呢?
唔該晒!

你好呀 @noname :wave:t2: :wave:t2: :wave:t2:

其實都唔洗咁擔心嘅,通常食完事後丸之後嘅一個月,月經都會變得比較唔穩定嘅,因為事後丸係一個好大劑量嘅荷爾蒙嚟,所以月經週期有改變都係好平常嘅事嚟。當然,如果你發現佢遲咗成幾個月,或者突然經血量暴增,都建議你去返開事後藥俾你嘅醫生度檢查返,睇下會唔會係出現咗咩副作用。 :pleading_face:

至於驗孕棒,其實一定要係指定嘅時間內去睇結果,個結果先會準確,好似你呢次咁樣,說明書上面寫咗10分鐘內睇結果,咁就只有10分鐘內嘅結果係準確嘅,而過咗指定嘅時間之後,避孕棒裡面嘅試紙就會因為時間耐咗而失效,因為會有可能因為有其他嘅化學反應令佢嘅結果唔準確,所以好似你咁講,過咗時間就唔洗理架啦。 :blush:

驗孕棒嘅原理都係透過檢測尿液中嘅hCG(人絨毛膜促性腺激素)含量嚟判斷有無懷孕嘅,hCG排出咗體外就唔會再增長架啦,所以唔會出現尿液排出體外隔咗一陣再去驗嘅時候,hCG嘅水平會突然高咗嘅情況。 :relaxed:

都想知道你係咪係對上一次發生性行為之後嘅至少7日後先驗孕,因為通常受精卵著床時間就會係6-9日,咁通常第7日就會有初步嘅結果,11日嘅時候受精卵已經完全著床成功,體內嘅hCG分泌亦都非常足夠檢驗出有無懷孕架啦。 :wink: