平時黎m都幾穩定（21/8> 22/9> 24/10)，黎m第一日同穩定伴侶進行不安全性行為，無戴套，無射，咁樣會唔會有bb？
另外我需要去食事後丸嗎？
thanks!
Hello @Hilu 
首先，都想提醒番陰莖性興奮嘅時候，已經會分泌出透明嘅尿道球腺液（俗稱Pre-cum），內含少量精子，係有機會導致懷孕嘅 
。而一般精子可以於女性體內存活約2-3日，所以部分月經週期較短嘅女性（～21日），因排卵日會比較早（約月經週期的第10日），所以有機會黎月經嘅過程中發生的無套性行為，讓精子進入體內後，精子於體內存活的2-3日期間剛好遇上排卵，就有機會導致懷孕 
。所以對於月經週期較短嘅女性，於黎月經期間越後嘅日子，發生唔安全嘅性行為，就會有越大機會導致懷孕 
。
憑從你過往兩次嘅月經週期觀察，平均月經週期係32日，都唔算係短嘅月經週期，所以都無需太擔心 。今日係黎月經第一日發生唔安全嘅性行為，雖然過程中無戴安全套，尿道球腺液內嘅精子依然有機會進入體內，不過因為本身尿道球腺液導致懷孕嘅機率比精液低，加上呢個日子發生性行為，精子遇到排卵嘅機會都好低，所以懷孕嘅機會係比較低 。
事後丸方面，始終今次性行為都唔能夠話係完全無懷孕嘅風險，所以你都可以自行決定有無需要去攞事後丸，又或者約左醫生後再問問醫生意見，睇下有無需要服用事後丸 
。
所以如果你想安心一點的話，可以考慮於性行為後120小時內（事後丸的最長服用期限），選擇去家計會／母嬰健康院／普通科門診／婦科診所／急症室睇醫生（事後丸喺香港係屬醫生處方藥物 ），諮詢醫生嘅意見後，視乎情況攞埋事後丸 。咁就可以進一步確保懷孕嘅機會減到最低。
不論最後有無服用事後丸，都建議性行為11日後（或於服用事後丸後同家計會護士預約的覆診日期）進行一次驗孕，到時嘅結果已經會係準確同埋可靠嘅 。因為一般受精卵著床需要6-9日，所以性行為7日後驗孕已經可以有一個初步嘅驗孕結果，而性行為11日後驗孕，就會較準確及可靠。
最後，都建議之後發生嘅性行為，整個過程都戴好安全套，一方面可以減低懷孕嘅風險，另一方面都可以避免性病傳播嘅機會啊 
～
謝謝解答！
我每次經期都有黎6-7日，都算穩定…
同埋因為兩個月前已經食過事後丸，係咪唔可以再食？再食都好傷身咁…/.\
1個讚
事後丸含有高劑量荷爾蒙，所以副作用較大（例如影響月經週期、陰道不規則出血、內分泌失調等），所以係唔可以喺同一個月經週期內服食多過一次嘅
，亦唔建議一般人依賴事後丸作避孕措施 。
不過因為你嘅情況，已經係相隔左兩個月前服用過事後丸，其實無太大影響，無需太擔心 始終你今次懷孕嘅風險都唔太高，可以考慮聽埋醫生嘅意見先再決定係咪有需要服用事後丸啊 。諮詢嘅過程中，記得同醫生提及你兩個月前已經服用過一次事後丸就ok 
，再睇睇醫生評估你嘅情況係咪適合服用事後丸 。
明白！
thanks!:))
1個讚