1.我打避孕針打咗四個月左右，我生活同平時都係一樣，意識到肥咗之後我有比以前更加注意飲食，但係肥胖嘅問題好嚴重，我由50去到56Kg，連褲都唔啱著咁。請問關唔關打針事？如果關事嘅話，可以點改善？食避孕藥會唔會好啲？
2.我打避孕針之後黎M好混亂，有時會好少好少咁keep流足一個月。如果食避孕藥可唔可以令到月經準時啲同埋結束得快啲？
3.我之前試過食事前避孕藥胃痛好嚴重，但係食事後就冇問題，如果我搵醫生幫我換咗隻藥會唔會解決到胃痛嘅問題？
4.我仲想了解一下避孕藥同避孕針嘅成功率，唔該。
Hello~ 想了解下你宜家打緊嘅避孕針係一個月打一次定三個月打一次嗰種
? 因為如果係三個月打一次嗰種嘅荷爾蒙劑量較高，有機會令食慾增加而致肥，亦都有機會令經期唔穩定，所以如果想減輕依個情況嘅話可以同醫生傾下轉打一個月一次嗰種，或者如果本身係打緊一個月一次嗰種嘅話，可以同醫生傾下轉用口服避孕藥，因為口服避孕藥嘅荷爾蒙劑量較避孕針低，可以減輕體重增加嘅情況，同埋可以令經期變得穩定。避孕針同避孕藥嘅避孕成效都相對高，婦女喺第一年使用避孕針嘅意外懷孕機會係0.2 - 6%，而喺第一年使用避孕藥嘅意外懷孕機會係0.3 - 9%。
至於食事前避孕藥之後胃痛嘅情況，有機會係因為嗰隻藥嘅配方唔適合你，可以同醫生商量轉另一隻藥，另外亦都建議飽肚服藥