你好阿，糖不甩，我想講我9月19號有無套性行為，無射，20號食左事後丸，我正常經期係9月27日黎，但係就遲左一日28號黎左。
到今個月21號我又有一次無套性行為，無射，計過懷孕機率係底，所以無食藥，預計27號黎經期，但遲左三日，我未試過遲三日，我好擔心會五會有bb，我想問下，事後避孕藥會五會影響幾個月既經期？定係只會影響當月？五該
我10月受孕期係8號至14號，但我20號先做，月經週期係平時29-31日，有日歷幫我計下次月經時間，我平時都係個日時間就會黎經，今次到而加都未黎，所以我都擔心，咁大五大機會有？五該
Hello @WWWSY 
一般事後丸主要係影響服用後下次月經週期，令月經有機會提早／延遲幾日出現，即係28/9果次黎嘅月經 
之後幾次嘅月經週期，都有機會受到荷爾蒙嘅擾亂，令月經週期變得唔規律。
暫時，如果你對上一次月經週期由28/9開始，再重新計算番月經週期日數係29-31日的話，即係預計今個月大約27-29/10左右會黎月經，咁暫時都只係遲左1日（30/10），唔洗太擔心啊，唔一定係因為懷孕所導致嘅 
。除左服用事後丸有機會令月經來遲之外，其實情緒有起伏、壓力過大、生活作息唔定時、飲食唔均衡、最近有生病食過藥（特別係抗生素）等因素，都有機會令月經來遲。所以一般月經週期提早／延遲左幾日的話，都無需太擔心 
。
始終21/10時發生過唔安全嘅性行為，所以都建議番性行為11日（1/11）後，進行番一次驗孕，到時嘅驗孕結果已經會係準確同埋可靠 。一般受精卵著床需要6-9日，所以好擔心的話，性行為7日後驗孕，已經可以得到初步驗孕結果；而性行為11日後驗孕嘅結果就會較準確及可靠。
最後，都提醒番安全期避孕法失敗率係好高嘅。雖然協助記錄月經週期嘅日曆，係能夠方便我地透過記錄過往月經週期，從而掌握未來月經係大概幾時黎，同埋預測幾時係排卵日／排卵期，不過都正如上面有提及到 月經週期有好多原因可以導致出現變化 ，令黎月經週期變長／變短，所以呢類月經週期計算器所顯示嘅預測排卵日／來經日子，都未必係完全正確 
。因此，都唔建議盡信或者依賴月經週期計算器／安全期計算法，推測「排卵期／安全期」，去發生唔安全嘅性行為啊～ 
建議之後發生性行為，整個過程都戴好安全套，一方面可以避免懷孕嘅風險，另一方面都有助減低性病傳播嘅風險啊 