月經遲到,擔心有左

9月16-22黎m ,10/10 有發生性行為全程都有載安全套,連射嘅時候都係帶住拎出嚟射,之後12/10 有少量流啡同粉紅色分泌物一陣又冇左。但到依家都未有m ,前排有考試會唔會係因為咁而遲黎?定係12 號嗰日已經係?但我平時都係流7 日而且流量好多。

同埋佢日日都問我黎m 未,搞到佢好擔心,我又極大壓力。我期間有食過綠豆沙,明明之前都work 但今次又唔得。而且前排有哂我就嚟嚟M嘅症狀但就係冇黎:sob::sob:

Hello~ 首先喺正確使用安全套嘅情況下,懷孕嘅機會係好低嘅,所以唔需要太擔心 :blush: 至於12/10 出現嘅流啡同粉紅色分泌物嘅情況有機會係黎經前嘅症狀,不過如果平日都有持續嘅流啡同粉紅色分泌物嘅情況嘅話,就建議去睇醫生了解下身體狀況 :man_health_worker:t2: :woman_health_worker:t2:

另外,經期嘅長短同流量其實係受到好多唔同嘅因素影響嘅,例如生活習慣改變、心理壓力大、生病服食過藥物等等,所以月經遲黎都唔一定等於懷孕嘅,你都可以同伴侶分享返依個資訊 :blush: 而透過食綠豆沙催經依個方法都唔太建議,因為始終綠豆沙比較寒涼,唔係每個人嘅體質都適合喺經前食用,所以如果想調經嘅話都係建議去睇醫生尋求返專業嘅意見。

如果真係好擔心懷孕嘅話,可以喺性行為嘅11日或之後進行驗孕,因為驗孕棒係透過檢測尿液中嘅人類絨毛膜性腺激素 (hCG) 水平去測試有無懷孕嘅,依啲激素會喺受精卵著床後釋出,而受精卵著床大概需要11日,所以喺性行為嘅11日後驗孕嘅結果係好準確嘅,如果想檢測12/10嗰次懷孕嘅話,宜家就已經可以驗孕架啦 :blush: 你地可以買兩個牌子嘅驗孕棒,按照說明書嘅指示進行驗孕,如果兩個嘅結果都係陰性就係無懷孕啦 :relaxed:

Thx