好驚好驚 被動手淫驚中性病~

係咁既 最近去左SPA 沖完涼果時已經覺得對唔住自己咁想走 T_T

但最後都比對方女仔留住 幫我按摩及手淫 其間佢隻手摸到我下體同陰囊

我無用到佢地既毛巾抹下體 及摸到分泌物 想知風險會唔會好高

依加十分後悔 成日形住形住下體唔舒服 同埋會三星期後去驗血

Hello @stevenchan :relaxed: :wave:t2: 睇番你嘅情況,想了解一下對方幫你手交嘅時候,過程中你有無戴安全套(或其他阻隔式安全措施)?亦有無留意到對方手上 / 你嘅下體部分有無流緊血嘅傷口?

好多性病病毒(例如HIV病毒)係能夠透過血液及體液傳播,如果雙方係無做任何安全措施,而彼此接觸嘅地方皆有流緊血嘅傷口 / 傷口接觸到對方體液或血液,係有機會傳播到性病病毒架~ 不過以手交黎講,其實一般風險都係好低。特別係你當時嘅情況,當時對方手上及你嘅性器官都無出現流緊血嘅傷口,咁做成感染嘅機會就更加低啦 :smiling_face_with_three_hearts: 無用提供嘅毛巾,的確能夠避免因為使用唔乾淨/無清潔嘅毛巾,而自己身體有傷口時,感染性病/其他細菌、病毒、寄生蟲嘅機會 :wink: :+1:t2:

而驗血方面,都想了解一下,你所指嘅三星期驗血,係打算去邊度驗血? 例如社會衛生科、非政府機構、私家診所,或者化驗所?:blush: 同埋係打算做咩類型嘅性病檢測?因為每一種性病嘅空窗期都唔同,部分性病嘅空窗期比三星期長,未必三星期後驗血就能夠驗得出 :see_no_evil:

一般指嘅空窗期,係指患者受性病病毒感染,直至性病病毒抗體測試檢驗出抗體嘅果段時間 :blush:。例如以愛滋病病毒為例,一般空窗期以三個月為準。受愛滋病病毒感染嘅人,假如系「空窗期」內接受愛滋病病毒抗體測試,測試結果有可能會呈陰性反應(因為未檢驗到抗體),但體內卻帶有愛滋病病毒,係能夠傳染到比其他人。所以我地一般都會建議番性接觸後90日之後(90日過程中唔能夠發生任何性行為/性接觸),先去做愛滋病病毒抗體測試,咁先可以得到最準確嘅結果。

如果你未考慮去邊度驗血的話,都建議你可以選擇去以下機構做免費嘅性病測試
可以考慮以下機構:
:point_right:t2:政府社會衛生科服務診所:各類型性病檢查(較全面:+1:t2:,能即時知結果及比藥:pill:
:point_right:t2:關懷愛滋:25歲或以下青少年、男男性接觸者-愛滋滋病病毒/梅毒/淋病/衣原體/丙型肝炎
:point_right:t2:香港愛滋病基金會:愛滋滋病病毒/梅毒/丙型肝炎
:point_right:t2:再思社區健康組織 (C.H.O.I.C.E.) :愛滋病病毒/梅毒
*因為最近受疫情影響,建議前往之前,先到相關網站睇下機構有無開~!

暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時,就可以先及早求醫。不過如果未有出現明顯病徵的話,都建議考慮三個月(三個月已經過左大部分性病嘅空窗期)後,再一次過去做一個全面嘅性病檢測,會比較準確 :relaxed:

真係好擔心會感染性病(例如愛滋病)的話,而唔想等候三個月空窗期的話,其實部分愛滋病病毒測試係可以系較早階段(感染後15-28日內)已經可以驗出部分病毒感染結果,不過呢類測試因為成本比較貴,所以暫時只有私家診所/化驗所會提供,測試費用亦比較高。不過最準確最詳盡都係90日後嘅抗體測試結果。詳情可以留意番以上機構測試資訊。

唔該曬你既回覆呀
手交過程中無用過安全套呀 都無血/體液既直接接觸 最多都係皮膚接觸
自己最驚你對方隻手唔太衛生 令我感染其他std

暫時好似個尿道口間唔中有少少刺刺痛痛咁 可能係自己心理作用 (因為我去小便係無痛既)
想問手交幾日後可以驗到咩呢 , 尿常規係唔係可以驗到淋 / 非淋菌性尿道炎呢 唔該曬!
暫時21日後會去私家診所先驗血 3個月後再驗呀

Hello :blush:
其實STI (Sexually Transmitted Infections,現時比STD更為常用,因為感覺上無咁受到污名化,而且有時受到感染未必有明顯病徵),即係性病,嘅主要傳播途徑係唔安全性行為,當中需要涉及高風險嘅體液(包括精液、尿道球腺分泌、陰道分泌物、血液)直接接觸或者接觸到比較脆弱嘅黏膜組織(例如陰道、尿道口、肛門、眼/鼻黏膜),特別係當佢哋正在流血/有開放式傷口嘅時候。
如果好似你咁講,只有皮膚接觸,而對方雙手並無開放式傷口,或者係類似疱疹或椰菜花(性病疣)嘅病變組織,咁你哋感染性病嘅風險都會比較低。 :wink:

除咗性病之外,喺唔安全性接觸當中的確會有其他感染嘅風險,例如念珠菌感染、尿道感染等。尿道口有刺痛除咗有機會係受性病或其他細菌/病毒感染,平日過度清潔、大力拉扯到、過份檢查性器官都有機會導致唔舒服嘅感覺。但如果你無出現分泌物異常或者小便刺痛嘅症狀,暫時就咁睇係感染嘅機會都唔高。 :relaxed:

不過既然你有所擔心,都可以去搵專業人士檢驗。「尿常規」通常係泛指一般為日常身體檢查而進行嘅尿液檢查,通常會驗尿酸、尿蛋白等等嘅指標。淋 / 非淋菌性尿道炎未必係每個診所都有包含係「尿常規」測試中嘅一項。如果你係特別關於呢兩項感染,可以選擇返有提供相關測試嘅機構/診所。而要檢測有無感染淋病同非淋病性尿道炎可以透過驗尿或者拭子拭抹尿道取樣本,實際係用邊一種就要視乎你所選擇嘅診所啦。 :grimacing: