危險期體內插入+事後

本身有記錄menstruation period,知道今日係危險期,預計5日內ovulation,但我地都係一時忍唔住發生咗無套性行為。
一開始淨係插入,冇喐到,過幾秒之後攞翻出黎,淨係插到龜頭咁深,龜頭咁樣喐咗20秒左右,之後我地立即停咗。
後來發現龜頭有d precum,覺得有d precum可能入咗陰道,知道precum本身都有少量精子,無套即使冇內射都有可能因為precum懷孕,所以決定預約家計會聽日攞事後丸。
之前本身都有戴套夾埋安全期先有做,所以我地兩個都好後悔今次控制唔到一時衝動做咗,而家都有少少驚所以先上黎問下。想知咁樣會唔會好大幾率懷孕?

Menstruation period同ovulation prediction:

!
2|391x500 !
1|398x500

Hello~ 喺無使用安全措施嘅情況下發生性行為的確有懷孕嘅機會,一方面男性喺受到性刺激嘅時候陰莖會自動分泌一啲透明而黏黏地嘅液體,叫做尿道球腺液,當中都含有少量精子; 另一方面係所謂嘅安全期其實係好難準確推算嘅,因為經期嘅長短會受好多唔同嘅因素影響,例如生活習慣改變、心理壓力大、生病服食過藥物等,而精子可以喺體內存活2-3日,所以無論喺經期嘅邊個時段發生性行為而無使用安全措施嘅話,都有懷孕嘅機會。

不過知道你地打算預約去家計會向醫生拎取緊急避孕藥,佢嘅避孕成效係相當高嘅 (成功率達97-99%),所以只要喺服藥時限內服食,懷孕嘅機會係好低嘅,唔洗太擔心 :blush: 如果想了解多啲有關緊急避孕藥嘅詳細資訊可以參閱以下網址: https://www.famplan.org.hk/zh/health-info/contraceptive-methods/emergency-contraception

有性慾、追求性歡愉係好正常嘅事,只要喺未有計劃生育嘅時候,做好安全措施就可以好好享受性愛 :relaxed: 建議你地每次性行為時都使用安全套,你地亦都可以商量下需唔需要轉用其他避孕措施,例如口服避孕藥、避孕針等,有關荷爾蒙避孕方法嘅資訊可以參閱糖不甩網站上嘅相關文章: https://www.stickyricelove.com/post/非阻隔性避孕方法

佢而家話下半身有d抽筋,上網查完抽筋係排卵嘅征兆之一,我地最快都要今日下晝先攞到事後丸,我想問我地咁樣會唔會黎唔切食就已經受精懷孕?

即係佢排卵可能提早咗黎,我地驚會唔會黎唔切食藥。

唔使咁擔心住。 :smiling_face_with_three_hearts:
緊急避孕藥要喺發生不安全性行為後,72/120(3/5日)內經醫生處方後服用。所以照你所講,今日去見醫生攞藥唔會「趕唔切」。
緊急避孕藥係通過高劑量嘅荷爾蒙,透過抑制排卵/令精子難以進入子宮/令受精卵無法著床去緊急避孕。所以即使伴侶今日排卵,只要係限時內服藥,藥物都有足夠空間去減低受精同著床嘅機會率。 :wink:

另外你提及嘅「抽筋」係其中一個排卵嘅先兆,其實除咗長期用排卵棒去測試同記錄,否則都係唔能夠靠數日子或者觀察身體症狀去準確推斷幾時身體會/已經排卵。好多常見嘅身體症狀,例如體溫升高、下腹痛、你所講嘅抽筋,都可以因為其他身體情況而導致。所以即使今日出現抽筋都唔代表係排卵。反而有時性行為比較激烈,平日又唔常運動/拉筋的話,都會出現下半身有啲抽筋嘅情況,試下自己拉筋都應該可以舒緩到症狀架。 :relaxed:

如果你哋依然擔心有懷孕風險,而且同伴侶有共識喺短期內唔會考慮生育,你哋都可以考慮喺5日內,用子宮環緊急避孕法。呢項避孕措施係一定要經專業人士先可以放置入身體,你可以去家計會診所做到,而子宮環可以留喺子宮內幾年,所以同時作為長效避孕措施。想了解多啲可以參考:https://www.famplan.org.hk/zh/health-info/contraceptive-methods/intra-uterine-contraceptive-device-iucd

我地9號去家計會食咗藥,咁醫生話12月5號翻黎覆診
個記錄月經週期嘅app話27號會黎月經,但係而家29號都未黎,有少少擔心,想知即使我地危險性行為一日後立即食事後,會唔會都避唔到孕?

Hello 唔使咁擔心住。 :sparkling_heart:

首先想同你講返,其實app嘅紀錄只係參考,並唔係一定準確嘅。因為月經週期係人體幾個繁複嘅系統互相影響而形成,所以好容易受到其他因素嘅影響,導致月經週期嘅長度、日期有唔同,係好正常嘅生理現象。影響月經週期嘅因素有:飲食習慣、作息時間、壓力、荷爾蒙分泌、藥物等等。伴侶最近會唔會情緒比較緊張,或者休息得比較少? :face_with_monocle:
而你有提到伴侶之前有服用緊急避孕藥,呢個都係其中一個會影響月經嘅原因。甚至有啲女性身體對緊急避孕藥嘅副作用比較大,下一個週期嘅月經都可能受到影響。所以其實服用緊急避孕藥之後,app嘅紀錄就已經唔可以作準啦。只要放鬆心情,耐性等待月經會出現。 :blush:

而關於緊急避孕藥,只要喺唔安全性行為後三日(單一荷爾蒙藥物)或者五日(黃體激素受體劑,家計會現時會處方呢款藥)內服用,就能夠有避孕效果,而兩種藥物嘅避孕成功率都有98%。再加家計會醫生會評估咗伴侶嘅身體狀況先,確認佢適合使用而且藥物會有避孕成效再俾藥你地,所以你地都可以放心。所以如果伴侶冇食完藥短時間後嘔吐,咁應該都會有效緊急避孕嘅。而你地嚟緊5號去家計會覆診都會幫伴侶進行驗孕,確認避孕成功,可以耐心等候下。 :wink:
如果依然覺得好擔心,你地都可以考慮自行驗孕先。買驗孕棒,並依照說明書上嘅指示進行驗孕。你地而家距離唔安全性行為已經過咗11日,所以會有準確結果嘅。 :grimacing:

同埋都見過你好緊張伴侶,同伴侶都未有打算短期內生育,咁可以同伴侶溝通下,選用適合你地嘅避孕方法,詳情都可以參考下我哋嘅IG page。咁下次就可以更加享受性歡愉啦~ :smiling_face_with_three_hearts:

1個讚

我想問尿頻喺咪來經嘅征兆?
佢而家就尿頻,佢之前只試過一兩次來經前尿頻。
Google查發覺尿頻可以係來經或者懷孕嘅征兆,所以而家都係仲有少少擔心。