上次嚟嗰陣已經9月中，直到今日都有keep住1個星期做一日(3次左右)，全程有戴套+灌水check到冇穿。
喺10月中&10月尾有驗孕，冇懷孕。
然後依家都未有M，想問喺身體有事定咩？
平時未試過2個月唔嚟，
月經唔算準，但平時around 1(normally)~1.5個月(比較少機會)嚟一次
求救QQ
Hello~ 首先想你知道照你所講嘅情況，每次性行為都有正確使用安全套，懷孕嘅機會好低阿 
如果真係好擔心嘅話，可以喺性行為嘅11後進行驗孕，你可以買兩個唔同牌子嘅驗孕棒，按照說明書進行驗孕，如果兩個嘅結果都係陰性就應該係無懷孕啦 
至於月經方面，其實經期嘅長短係受好多唔同因素影響嘅，例如生活習慣改變、心理壓力大、生病服食過藥物等等，所以即使遲左黎經都唔一定等於懷孕，建議你去睇醫生了解返身體狀況，咁就唔洗估估下咁擔心啦
另外，見你之前都有同我地分享過有關懷孕嘅擔憂，而我地嘅成員都有建議過使用安全套配合口服避孕藥雙管齊下嘅避孕方法，所以都想了解下你對於依個方法有咩諗法或者疑慮 ？ 歡迎同我地分享下～
我明天就會去看中醫
我在10月已經有打算服避孕藥，但好像要等月經來的第一天才可以吃，不是嗎？
你睇咗中醫，中醫點講呀？ 
同埋都好似上面 @Ana_StickyRiceLove 咁講，建議你都要同醫生講返想食避孕藥，醫生會睇下你身體情況點樣，評估現階段你適唔適合食避孕藥，例如卵巢有事或者其他身體機能上比較大嘅問題，有機會唔適合食避孕藥嘅，通常都唔係月經第一日食嘅，如果你去家計會嘅話，通常都係月經第五日食嘅。
建議你約見家計會嘅醫生睇下，但係佢地一定要你係月經嚟嘅時候先俾你上去嘅。如果你係26歲以下，你可以係月經嚟嘅第一日打電話上去約醫生。如果係26歲以上，你就只需要係月經嚟嘅其中一日上去搵醫生就可以架啦， 
事前避孕藥要係月經期間食嘅原因除做係要確保係無懷孕嘅情況底下食藥，確保藥物能夠有避孕嘅功效之外，係月經期間食先最能夠可以幫助你調整返月經週期，令月經週期變得穩定一啲架。 
中醫話我嗰肝同腎比較虛，就咁咋
真係好令人擔心
好多時從中醫嘅角度，身體嘅狀況較常都係來自於某D器官比較虛弱。如果中醫都有建議你服用某類食物補氣，而你都覺得可信嘅，都可以一試。同埋中醫有無就肝腎較虛嘅情況，建議你可以點樣調理好身體 ？ 例如睡眠要充足、平復情緒及紓緩壓力、內服中藥幫助你去調理？始終中醫方面我地嘅認識都唔多，建議依照番中醫方面嘅指示 。
而避孕藥方面，就的確好似 @Kaleo_StickyRiceLove 提及過咁，
可以等到月經黎番之後，再睇睇醫生，了解一下自己身體狀況係咪適合服用避孕藥先
始終宜家身體嘅狀況，都唔適合自己突然開始服藥。特別係宜家都睇緊中醫，如果真係希望宜家就開始服用避孕藥，咁服用之前都建議諮詢中醫嘅意見，及去家計會見醫生開避孕藥。
邊服用中藥嘅同時，亦開始服用避孕藥的話，其實身體嘅情況都會比較複雜，出現情況嘅時候，亦較難知道係因為服用中藥所引起，還是服用避孕藥所引起 。所以我地一般都會建議服用完一邊（例如中藥），先好再開始服用另外一邊嘅藥（例如避孕藥），避免中西藥同時服用。如果都有預計下次來經就會打算開始服用避孕藥，咁都建議下次覆診或者下次來經嘅時候同中醫方面諮詢一下先，睇睇宜家服用中藥嘅狀況，會唔會唔太適合宜家就開始服用避孕藥，可能有需要再等一段時間先，咁都讓你對安全措施嘅計劃上都可以有D準備及安排先 。