我男友近40歲，以前佢會較快就射左，但最近幾次SEX時，佢親熱耐左會變軟，是否出左問題？
補充：佢最近打J時，唔會打到射，是否有影響？
想了解男朋友最近精神同埋情緒狀況如何（例如有無訓得唔好、有壓力等等）？因為有時生理及心理上方面，都有機會影響性行為時嘅表現啊 
未必一定係下體功能上出現左問題，有機會係其他外在因素引起。 所以建議了解一下男朋友最近嘅身心狀況先，或者對方性行為嘅時候有無煩惱嘅問題，再一齊探討下會唔會邊方面遇到困難 
。特別係如果最近有病過服過藥，或者工作方面有轉變、有壓力，都會有影響。亦可以留意對方自慰嘅時候，會唔會都出現耐左就會變軟嘅情況，還是只有性交嘅時候先會出現。
同埋「最近」係指大概幾耐嘅時間？例如一個禮拜，還是幾個月？
而如果男朋友自慰嘅時候，唔會打到射，都可以先了解一下對方最近自慰嘅時候，唔會打到射嘅原因係咩先 （例如係希望延長性行為時間、較難感到快感等）。亦正如上面所講，身心其他方面，都有機會影響性方面嘅表現及狀態。
疫情下工作壓力就真係多左，不過近半年都有勤做運動，肚腩都細左
佢為人內向D，都較少主動講佢性的喜好。
「最近」是指10月開始多左，以前一年只有1-2次左右，但10月果次係拍拖周年，去左FREE的空間去SEX，但中途軟左。之後SEX少左，一至兩星期才1次，但也有軟左的情況出現。
佢之前知自己容易興奮就好快射，所以話想用自慰訓練下，希望延長性行為時間，咁這一年的確係耐左。
另外，我知道佢軟左後，我會問佢係唔係好攰，攰可以停下休息下。我還有咩可以做呢？我是否應該幫佢硬番嗎？
好欣賞你唔只係關注自身嘅性慾同感覺，亦都有嘗試體諒伴侶嘅感受同身體狀況 
見你提到佢因爲知道自己好快射而有嘗試鍛煉陰莖嘅持久度，有機會令佢喺性行為嘅時候因為好在意依方面而覺得緊張，因而令佢較難投入同享受性愛。
其實性行為時男性嘅陰莖有時變軟係正常嘅情況，就好似 @Sze_StickyRiceLove 咁講，依個情況受到生心理狀態、環境等影響，所以都建議如果下次性行為時伴侶嘅陰莖變軟，除左可以俾對方休息下之外，亦都可以讓對方知道咁樣並唔代表佢嘅性功能差或者唔係一個好嘅伴侶，同時了解下對方嘅感覺，當大家停落黎休息一陣之後，你可以先透過親吻、擁抱、愛撫等親密接觸讓雙方慢慢再次進入性興奮嘅狀態，當大家都進入左狀態之後先透過刺激性器官黎達至進一步嘅性歡愉
1個讚