求個安心🙏🏻

想係度求個安心:confounded::pray:t2:
不嬲有用開app計月經週期 大概around 35日
最耐試過41日先嚟到m
今個月排卵期app顯示 24/10-2/11
係24 25 排卵期入面都有發生過關係
不過無插入式 同埋都有隔住衣物
但怕流左入去嗰啲
因為10月尾考試嗰陣都有啲壓力同夜訓
係咪都會有影響:pray:t2::pray:t2::pray:t2:

另外前嗰排 唔知係心理因素定係點 好似大食左
同埋最近體溫都好似有少少偏高
同埋有時間唔中會有幾下反胃
上網睇 好似都屬於懷孕症狀
都比較擔心:pray:t2::pray:t2::disappointed:

補充少少 其實大概一個星期前已經開始 胸部都有少少痛 但唔知係嚟m徵兆定點 呢幾日都好驚:disappointed::pray:t2::pray:t2::pray:t2:

Hello @cccc :relaxed: :wave:t2: 如果性行為過程中,有隔住衣物並無發生插入式性行為,彼此性器官係無直接接觸,亦無接觸過對方嘅分泌物的話,其實係唔會有機會導致懷孕啊~

雖然陰莖性興奮嘅時候,會分泌出透明嘅尿道球腺液(Pre-cum),內含少量精子,有機會導致懷孕。不過其實尿道球腺液/精液都係好難穿過衣物去進入陰道,導致懷孕啊~~ 因為好多時尿道球腺液/精液好多時接觸到衣物後,都好快就會被衣服吸收/乾透,令分泌物內嘅精子亦會失去活動能力而死亡。

月經來遲有好多因素影響,例如最近壓力過大、情緒有起伏、生活作息唔定時、飲食唔均衡、最近有生病服過藥(特別係抗生素)等,都會有機會影響。正如你提及過10月尾嘅考試都令你有少少壓力同埋夜訓,都的確有機會影響月經週期嘅情況,可以耐心等待先 :blush: :heart:

的確噁心/反胃嘅感覺、體溫升高、乳房脹痛都係懷孕初期嘅常見徵兆,不過其實噁心/反胃嘅感覺、體溫升高,身體狀況上都有機會係其他因素引起,例如食左唔乾淨嘅食物、生病發燒、精神狀態唔良好等,所以都唔無需太擔心一定係因為懷孕所引起啊 :wink: 反而如果不適嘅感覺持續,都建議睇睇醫生,了解係咪身體有其他地方出現問題 :blush: :woman_health_worker:t2: :man_health_worker:t2:

而乳房脹痛,亦係常見嘅來經嘅徵兆之一,所以都有機會真係月經就快黎 :wink:。不過都提醒番並唔係每一位女性/每次月經都會出現來經徵兆,並唔能夠透過依賴呢D嘅徵兆,而確定自己之後幾日就會來經:relaxed:,而發生唔安全嘅性行為啊。

咁想問一個星期前左右 打左流感針會唔會都對經期有影響:disappointed::pray:t2::pray:t2:

唔好咁擔心住~ :wink:
正如之前 @Sze_StickyRiceLove 所講,有好多因素都會影響月經。你有打過疫苗或者呢排壓力大、情緒緊張,呢啲都可能導致月經週期改變嘅。因為人體係好複雜嘅結構,月經週期都係經過幾個繁複嘅人體組織互相影響而出現嘅生理現象。所以可能每個週期嘅長度同日期都唔同,而每次令你週期有改變嘅原因都可能唔同。 :blush:
而家你放鬆下心情,耐心等待啦~ :sparkling_heart: