今個月開始食yaz事前避孕藥，第一日黎m就開始食，今日第9日，到今日其實都仲有小少m，同男朋友發生，男朋友係入面內射左，有啲驚避孕藥藥效未開始有，想知食左幾日，藥效有未？
Hello @lwy 
一般而言，月經期間（月經頭六日）開始服用的話，就應該係會即刻出現藥效。不過穩陣起見，我地一般都建議番第一次服用避孕藥嘅頭七日，要額外使用阻隔式避孕工具（e.g.安全套），就比較有保障～
所以睇番你嘅情況，如果今日已經到第九日，而之前果段時間都有依足指示並依時服藥，身體亦無出現明顯嘅不適感覺，咁懷孕嘅機會都係好微，無需太擔心 
。
不過記得單純服用事前避孕藥係無辦法阻隔性病啊～！ 戴安全套先有效減低性病傳播風險 
最後，都想了解番你服用呢款yza事前避孕藥之前有無見過醫生？ 
我地一般都會建議服用避孕藥之前諮詢醫生意見，因為每個人嘅身體狀況都唔同，適合嘅避孕藥牌子都唔同。醫生可以建議番邊一種避孕藥先適合自己。加上醫生亦會講得清楚D避孕藥要點樣服用，以及藥效建立嘅情況～ 
如果你服用避孕藥之前係無諮詢過醫生嘅意見，食左時候真係覺得唔舒服嘅時候，都建議去再睇番醫生啊 。而第一次服用避孕藥之前亦要記得睇清楚說明書，因為說明書一般都會講清楚呢款藥物唔適合咩人士服用，同埋服用方式。
食之前就冇見過醫生既，暫時食到依家就冇話有吾舒服既情況出現過，我食之前都有睇過說明書，但第一次食加上第一次內射都有啲驚
口服避孕藥透過人造荷爾蒙抑制卵巢排卵，令子宮內膜產生變化，使受精卵無法著床，同埋增加子宮頸分泌物嘅黏稠度，使精子難於穿過黏液，進入子宮腔內，所以懷孕嘅機會係好低嘅 而且就好似 @Sze_StickyRiceLove 咁講，過左服藥嘅首7日之後，藥效基本上係正常發揮嘅，只要每日定時服藥，懷孕嘅機會係好低嘅，唔需要太擔心 不過都建議持續服藥一段時間之後去見醫生了解返係唔係適合繼續服用，因為年齡、患病或者生活習慣嘅改變都會影響身體對藥效嘅反應嘅。
好呀 吾該哂你既解答啊