危險期驚會懷孕

尋晚同男朋友有兩次 都有戴套 試後有灌水check應該無穿到 但呢幾日都係危險期 所以好擔心:sob::sob::sob:同埋途中佢有用手搞過我 好驚其實佢隻手掂到啲精液

但係其實係咪有用套就唔使食事後…? 驚好傷身thankss​:bowing_woman:t2:

Hello~ 喺正確使用安全套嘅情況下,懷孕嘅機會係好低嘅 :relaxed: 至於擔心指交會將精子帶入陰道方面,因為精子接觸到空氣之後通常幾分鐘內就會死亡,而接觸到皮膚、衣物等表面都會進一步減低精子嘅存活率,所以懷孕嘅機會係唔大嘅,如果提升避孕同防止細菌感染嘅保障,可以使用指交套 :blush:

緊急避孕藥含有高劑量嘅荷爾蒙,唔可以喺同一個經期內服食多於一次,所以唔可以用作恆常避孕方法,如果想提升避孕成效嘅話,可以考慮以安全套配合口服避孕藥依個雙管齊下嘅方法,口服避孕藥能可以抑制卵巢排卵,亦可以令子宮內膜產生變化,使受精卵無法著床,同埋增加子宮頸分泌物嘅黏稠度,令精子難於穿過黏液,進入子宮腔內,所以避孕成效係相對高嘅 (~91 - 99.7%)。另外,因為唔係每個人嘅體質都適合服用避孕藥,所以建議先諮詢醫生意見先開始服用,有關口服避孕藥嘅詳細資料可以參閱以下網址: https://www.famplan.org.hk/zh/health-info

thankss 咁係咪代表如果正確使用安全套 危險期安全期都一樣?:pleading_face:裝咗水之前我見佢無漏水 但都會驚係咪我見唔到或者個缺口太細 想知通常爛咗嘅話會點?

如果完全正確使用(perfect use)安全套,避孕成功率有98%。而一般使用(typical use)嘅成功率則為85%。當中嘅差別就在於一啲細節,例如是否整個性接觸過程都有用,是否每次都正確使用,是否有足夠潤滑等。關於如何正確使用安全套可以參考我哋嘅post: :nerd_face:
https://www.instagram.com/p/B4EX0FVFLUf/?igshid=18wk1baqxsim0
正常嚟講,安全套喺出廠之前已經經過咗一系列嘅測試,保障安全套有足夠嘅堅硬度、沒有破損、可以承受一定嘅磨擦等。正常情況下,如果安全套未過期,並且使用前得到適當嘅儲存(避免潮濕或者陽光直射,避免接觸比較酸性/鹼性/油性嘅物質,避免摩擦同尖銳物),咁應該比較少機會在使用前有破損。 :wink:
而使用過程中可能導致安全套破損嘅因素有: 指甲/牙齒刮損,未擠出儲精囊內嘅空氣,潤滑不足等。如果你在事後進行灌水測試都無漏水咁證明安全套並無破損。 :relaxed:
而你所講嘅「危險期」同「安全期」,其實要月經來潮後先可以推算返排卵期,所以並唔可以靠日常去記日子而得到好準確嘅日期,因為排卵日受好多因素影響,例如荷爾蒙分泌、藥物、飲食等等。 如果你覺得單用安全套都未能夠放心,可以考慮同時使用埋荷爾蒙避孕方式,例如事前避孕藥或者避孕針。呢類型嘅措施避孕功效比較高,失敗嘅機會率亦比較少,但因為唔能夠預防性病同其他疾病嘅傳播,所以都建議要同時使用埋安全套。 :wink:

謝謝你:bowing_woman:t2:咁所以如果灌水測試冇明顯嘅漏水都可以放心先?:pleading_face:

係呀。 :wink:
如果你喺用安全套嘅情況下仍然好擔心意外懷孕風險嘅話,可以考慮下使用荷爾蒙避孕法(避孕針或者避孕藥),配合埋安全套一齊使用,更加降低意外懷孕嘅風險。 :relaxed:
要注意嘅係,第一次食避孕藥之前最好睇醫生,醫生評估你嘅身體狀況後會建議最適合你嘅避孕藥;而避孕針就一定要由醫生幫你打。現時家計會診所同部份私家診所都有呢啲服務,有需要可以去諮詢下。 :woman_health_worker:t2: :man_health_worker:t2: