我平時未黎m果陣唔鐘意男朋友搞自己乳頭，覺得個feel好敏感，好明顯feel到佢搞緊乳頭咁。
今次岩岩黎m唔知點解佢搞我個乳頭我冇左果種好敏感既feel，我就比佢刺激同「lai」個乳頭
(用舌頭舔，啜。手指撥我粒lin）
我諗過程中我應該係high既(唔多識分過程係high係定係痕)
但事後會覺得個胸唔舒服，點解
唔係好識形容，胸硬左總之有種不適既感覺
Hello~ 月經嘅時候因為荷爾蒙變化，有機會影響性慾，而性慾高低會影響身體對性剌激嘅感覺，不過無論係月經時嘅身體反應，或者平日對性刺激嘅感覺都係因人而異嘅。至於事後嘅胸部不適有機會係因為胸部受到性刺激時充血而造成脹痛嘅感覺，亦都有機會係因為月經期間荷爾蒙嘅影響，如果不適感無持續嘅話，都唔需要太擔心嘅 
我想知道冇持續。果個時間係幾耐？
因為我呢加仍然仲有不適既feel(幾個鐘)，但相比起一開始岩岩結束又已經冇左好多
正如 @Ana_StickyRiceLove 所講，你所提及嘅胸部不適可能係因為胸部因為性刺激，加上月經期間有荷爾蒙影響。 
其實覺得唔舒服，甚至覺得胸部腫脹、變硬，呢啲嘢都比較主觀，同埋好因人而異。好難有一個統一嘅標準去講。 不過通常因為月經而產生嘅胸部不適會隨著月經來潮完結而舒緩（有啲人則可能過咗月經頭兩日就無事，甚至有人完全無胸部不適嘅感覺，所以呢樣嘢個個唔同）。 
不過你咁留意胸部嘅狀況都係一個良好嘅習慣嚟㗎～通過日常留意胸部同乳房嘅狀態，可以令我哋更加容易及時發現到一啲異常，例如：突然胸部某個位置有硬塊、有不明分泌物從乳頭流出等，呢啲有機會係病變嘅跡象，咁就可以盡早發現、盡快去求醫啦。 