同女朋友做愛嘅時候佢幫我含，事後佢追喉嚨痛，對上一次都有咁嘅情況，到底係咩事？ 感激回覆
首先都想了解返多少少，伴侶係事後幾耐開始覺得喉嚨痛？ 同埋喉嚨痛嘅情況持續咗幾耐？ 
如果係過程中同口交之後有短暫喉嚨不適嘅現象，可能係因為口交過程比較激烈，或者陰莖太過深入喉嚨，令伴侶感到不適。亦有可能係伴侶比較緊張，喉嚨同口腔未放鬆，所以容易覺得有痛楚。 
你可以同伴侶溝通下，探索同埋嘗試下其他嘅口交方式，令雙方都感到舒服。例如：用較淺嘅深度、較慢嘅節奏進行口交。想了解多啲都可以參考返我哋嘅post：
https://www.instagram.com/p/B-eXN7sFz8n/?igshid=r7kdj0m7ab0u
不過喉嚨痛呢啲現象都可能有好多其他因素而導致，例如整個性行為過程中比較興奮、呼吸比較急速導致喉嚨不適；身體唔夠水份等。 
但如果喉嚨痛嘅情況會係性交後持續一段時間，咁都有機會係因為感染而導致嘅。雖然口交導致意外懷孕嘅風險好低，但都有少量機會傳播性病或者其他疾病，例如淋病都可以透過口交令咽喉感染，出現喉嚨痛嘅病徵，其他疾病例如尿道炎，都可以經由口交將病菌傳播至咽喉位置。如果連續兩次都係事後出現喉嚨痛嘅症狀，都值得考慮下睇醫生做詳細嘅檢查。特別係如果你留意到陰莖有出現異常分泌物，或者小便時會有刺痛嘅感覺，會係感染嘅可能性就更加高。但都有幾會係本身伴侶喉嚨就有啲唔舒服，想安心啲嘅睇睇醫生都會好啲。 
同一時間咽喉位置如果本身有病菌，都可以透過口交傳播至尿道，引起尿道發炎。如果想有更加安全嘅性行為，下次進行口交前都可以考慮使用一啲阻隔式嘅措施，例如用口交套、口交膜等。 你可以參考返：
https://www.instagram.com/p/B57ZtvGlckR/?igshid=3fcc24lbc27v
早午性交，然後過左一陣到夜晚嘅時段佢就講喉嚨痛，喉嚨痛左應該1日半左右
正如之前所講，伴侶最近兩次口交後都有喉嚨痛嘅情況，而喉嚨痛持續一日半左右。呢啲都未能好肯定到出現喉嚨痛嘅原因。 
因為導致喉嚨痛嘅因素都仲有好多，例如：最近天氣乾燥、身體水分不足等。如果你地擔心嘅，或者喉嚨痛情況有持續嘅話，都建議睇下醫生先。 
如果有感染嘅情況，通常服用藥物後都可以完全康復。同埋如果係要做性病測試，則要兩人都做，確保之後唔會再有互相傳染嘅情況。
如果唔係因為感染而導致喉嚨痛，咁就可以安心啲，之後口交過程中可以等伴侶放鬆啲先，同埋避免太過深入導致不適。
最後都建議返下次口交時用口交膜或者口交套呢啲阻隔性嘅安全措施，避免病菌等致病原傳播。同埋口交前記得清潔乾淨陰莖先，避免尿道口有尿液殘留，或者污垢等，呢啲都有機會含有細菌，可能導致伴侶喉嚨不適。亦都建議伴侶口交後飲水，一嚟可以沖走細菌，二嚟可以補充水份。 