食緊事前避孕丸再食事後避孕丸?

因為想調整月經關係,由上個月開始在月經來時第5天服用yasmin事前避孕丸,服完21天後的停藥期我不小心多停了一天(8天),然後在今天(再開始服藥的第5天)與男友愛愛的時候不小心套子破掉被射在裡面,現在為了安全起見在兩小時內服用了anlitin事後避孕丸,想知道;

  1. 我的情況應該/需要服用事後避孕嗎?
  2. Anlitin跟yasmin會有交互作用嗎?
  3. 我明天應該繼續服用yasmin嗎?
  4. 如果需要,應該怎麼吃?
  5. 如果想之後繼續服用yasmin,應該什麼時候再用?

首先想了解返,你在服用事前避孕藥同事後緊急避孕藥之前有冇去睇醫生諮詢過醫生嘅專業意見?因為市面上有好多唔同牌子嘅事前避孕藥,每一款都有細微嘅分別,建議要睇醫生,評估過你嘅身體狀況之後,由醫生建議最適合你嘅一款。 :blush:

其次事後緊急避孕藥係香港係需要醫生處方嘅藥物,醫生一般都會了解你嘅身體狀況、月經週期、性行為風險、以及現時有無服用緊其他藥物再決定要唔要處方事後丸比你。因為Antlin 係屬於單一荷爾蒙(黃體酮)嘅配方,係同一周期內使用荷爾蒙避孕法(例如事前避孕藥)原則上係無問題,唔會影響荷爾蒙避孕法嘅功效,換言而原則上你可以繼續如常完成呢一排嘅藥物。但因為每個人身體狀況都唔一樣,如果你係服用事後丸之前係無徵詢過醫生意見的話,我哋建議你盡快約見家計會或者去私家診所見醫生,由醫生去評估你現時嘅狀況,同埋建議你接著落嚟嘅食藥方式。 :man_health_worker:t2: :woman_health_worker:t2:

而你提及你意外停多咗一日先開始服用第二排藥物,因為服用避孕藥頭3-6個月都係適應期,係呢段時間內無準時食藥的話,對調節月經週期同避孕效果都會有一定影響。一般如果係第一次服藥,或者過程中有漏食藥嘅情況發生,接住落嚟嘅7日除咗要準時服用藥物,若果要發生性行為的話都要額外使用返安全套。所以宏觀今次嘅情況,係打亂咗服藥順序之下未重新連續食藥7日,安全套意外破裂的確係有一定風險,進行緊急避孕係會比較安全嘅。 :blush:

因為Yasmin係需要自行停藥7日再開始下一排藥物嘅設計,建議你可以用一啲專為提醒服食避孕藥嘅手機應用程式去提醒自己每日按時服用同過渡停藥期,避免忘記。或者你都可以考慮其他模式嘅避孕藥,例如係無停藥期28粒狀嘅避孕藥,或者使用其他荷爾蒙避孕避孕方式,例如避孕針,去達致避孕同調節月經嘅功效(不過相比之下,避孕藥係調節月經係效果會好過避孕針)。