袋袋夜晚就痕⋯⋯

其實已經好幾年⋯⋯我袋袋到半夜都會痕癢,在睡夢中都會不停咁R,R到個人都醒埋,有時R得勁得濟仲會捐添⋯⋯由包皮,袋袋表皮到會陰位置都會痕; 而袋袋位置仲生左粒類似小肉瘤的東西(如一粒暗瘡大),半夜會痕而且R到粒野會有D痛⋯⋯其實早兩年我都已經有生過,但係某一次我將佢入面類似龍既白色物體支左出黎就無事了,由於我身體手腳位置好多時都會有D 細細粒既脂肪粒,又係可以支D白色粒出黎,所以我就以為袋袋果粒都係一樣係脂肪粒,但分別就係袋袋的痕,手腳的不會痕
而現在有的那粒沒有缺口,所以支唔到出黎⋯⋯我之前試過睇專科,醫生只係話我下面洗得唔乾淨,但自問我每晚都好好地洗,也沒有發出異臭味,我覺得問題並不只於此⋯⋯都試過茶一啲癬膏,止痕膏和類固朜但都止唔到痕 :sob:,我奇怪既係日頭返工著晒褲焗住晒出晒汁都唔痕,係到夜晚就痕⋯⋯
想問知唔知我有的是什麼病?上網揸過有一種叫陰莖丘疹,是這種嗎?而這一種,算不算是性病?
求解答,萬謝 :bowing_man: :bowing_man:

你所提及嘅陰莖丘疹又稱為珍珠疹、陰莖珍珠狀丘疹,係屬於良性血管纖維瘤,多數都係以排狀生長嘅乳白色肉粒,特徵係佢哋會一粒一粒地生長,唔會堆叠或者融合。佢哋並唔係性病,亦不具有任何傳染性。但呢啲粒粒通常都係生長係龜頭邊緣,冠狀溝前端嘅位置,同你所形容嘅係陰囊底部唔太相似。而且珍珠疹一般對身體無明顯影響、唔會造成任何疼痛,瘙癢或燒灼感覺,肉粒內亦唔會含膿,所以同你所形容嘅都唔一樣。 :no_good_woman:t2: :no_good_man:t2:
不過,性器官部位係有機會出現好似暗瘡嘅油脂粒,特別係你話以前試過發現裡面有類似濃嘅液體,相信係油脂粒或者毛囊炎嘅機會會比較大。而出現呢啲發炎嘅原因多數係因為炎熱潮濕天氣、內衣唔透氣、清潔不足/過度清潔、剃毛時太貼近毛孔以致刮傷皮膚、或者係皮脂分泌太旺盛以致堵塞毛囊。 :confounded:

平日清潔嘅時候你會唔會使用比較刺激嘅清潔乳液或者好大力去清洗?其實清潔性器官嘅時候只要溫柔地翻開包皮,用清水清洗就已經好足夠。過度清潔有機會引致皮膚受損或者乾燥,使用刺激性嘅清潔液亦有機會影響性器官天然嘅pH值,容易引起感染。有時可能係因為乾燥而導致痕癢,係晚間當你不自覺地去抓痕嘅時候除咗有機會令皮膚更加乾燥更加痕癢,亦有機會將細菌帶至相關位置,一旦有傷口的話都會進一步引致發炎。 :persevere:

因為陰部嘅肌膚都比較幼嫩,所以唔建議自行去處理你所講嘅肉粒,避免造成傷口容易引發感染。亦唔建議自行搽唔同類型嘅藥膏,有機會令敏感部位嘅皮膚變得更加脆弱。既然呢個問題已經困擾咗呢一段時間,建議你可以考慮尋求專科醫生嘅意見,例如係泌尿科或者皮膚科,必要時醫生亦會同你抽取組織去種菌,檢查有無感染嘅可能性。 :relaxed:

係呢段時間除咗保持每日清潔,亦要留意沖涼毛巾嘅清潔度,避免用濕嘅毛巾去清潔下體,毛巾亦要勤更換。同埋建議穿著棉質、鬆緊適中嘅底褲,保持底褲乾淨,避免穿著過緊嘅褲,從而保持陰部衛生狀況。亦可以考慮避免用含有過多化學物嘅清潔液去清洗內褲,最近亦可以嘗試將自己嘅內褲同其他衣物(特別係如果你同家人同住)分開清洗,睇下會唔會改善到情況。

1個讚

嗯,解釋得非常詳盡,我明白了,我會参照你以上的建議試下,實在感激萬分! :bowing_man: :bowing_man: :relaxed: :relaxed: