身體的情况

我宜家見到喺我條陰莖個度生左好多毛,我想問下係咪正常呢?

都想問下你幾歲啦?係咪大個仔進入青春期啦? :star_struck:

其實下體有毛髮生長係一件好正常嘅事嚟嘅,果啲叫「陰毛」。當人進入青春期後,隨住荷爾蒙嘅增加,身體各個部位都可能會生長出毛髮,例如手臂、腳、胸等等,當然仲有你依家擔心緊嘅陰莖位置。陰毛唔似頭髮咁直,通常都係攣攣地嘅,用嚟保護陰莖同陰囊嘅皮膚架,防止佢地受到摩擦而受傷。調返轉陰部附近都會長出陰毛,可以保護返性器官,減少日常嘅摩擦同埋避免細菌嘅進入,所以生陰毛係一件每個人都會經歷嘅事嚟。 :relaxed: 至於生得多定少就好睇遺傳、會唔會好多摩擦或者身體裡面荷爾蒙變化而唔同,除非真係非常之影響日常生活,無論生得多定少,都係好正常嘅事嚟架。 :wink: