性愛迷思加問題

星期三果日同女朋友發生性行為,全程有用安全套,但有幾個問題想問

  1. 安全套內外係咪都有潤滑劑?用完成日都有浸膠味
  2. 因為女朋友果日性興奮時分秘好多,佢有奶白色+透明分秘,係套口都有奶白包既分秘,個套亦無移位問題,除套時見到入面痴立立,會唔會有問題?
  3. 安全套加外射係咪最安全?我每次都咁做
  4. 每一次性行為後,自己成日都緊張大師,係咪我有問題?

Hello @Azero :blush: :wave:t2: 等我一條一條咁回覆你嘅問題啦 :relaxed:

  1. 市面上大部分安全套,於套外都會塗上左潤滑劑,潤滑劑主要功能包括係1)有助減低安全套破裂嘅機會; 2)減低摩擦時帶黎嘅疼痛感,同埋;3)增加性愛時嘅舒適感 :blush:
    如果唔喜歡安全套本身潤滑劑嘅味道,其實都可以選擇購買「無潤滑劑安全套」(適合不喜歡潤滑劑安全套人士,亦能避免口交過程中伴侶吃到潤滑劑),再另外配合自行購買嘅潤滑劑 :wink:
    不過都提醒番,油性潤滑劑係唔能夠同乳膠安全套一齊使用,因為會侵蝕乳膠,令安全套容易破裂。所以只有水性同埋矽性潤滑劑可以同乳膠安全套一齊使用啊~ :relaxed:

  2. 如果性行為後,安全套測試過係無漏水,而性行為整個過程中,都有戴好安全套,咁都可以無需擔心有咩問題~ 奶白色分泌物的話,有兩個可能性 :relaxed:
    (1) 巴氏腺液 :性興奮嘅時候,女性巴氏腺(Bartholin‘s Gland)會分泌出液體,作潤滑作用,係透明或者純白色。
    (2) 排卵期出現嘅白帶 :排卵期嘅時候,白帶會增多,亦可能會同平日嘅白帶有D唔同,會比較有彈性,甚至出現「白帶拉絲」嘅情況,類似果凍/蛋清狀嘅分泌物。

  3. 有依足正確步驟戴安全套的話,其實無需射精之前抽出嘅:grinning: 一般安全套嘅設計係有儲精囊,所以係有顧慮到使用者射精之後先抽出。當然你都可以選擇戴安全套嘅時候,射精前都就已經抽出,咁就可以避免到安全套因為射精時衝力太大而破裂嘅風險(如果戴套前手指有按實儲精位置先開始戴套的話,呢個機會率本身都好微嘅) :blush:
    不過要留意嘅係,對於部分男性黎講,每次射精前都要算好時間抽出先射精,有時都會有一種無形嘅壓力或者焦慮感,有機會影響日後嘅性表現或者射精情況。
    另外,有戴套嘅情況下突然抽出,其實都會有機會反而比單單使用安全套射精後抽出嘅風險大。因為好多人會於呢個突然抽出嘅過程中,無按住安全套開口位置就抽出,導致安全套意外甩左/殘留於陰道內,令安全套裡面嘅分泌物流出 :disappointed_relieved:
    所以都建議可以同伴侶溝通一下,未來係咪都希望戴安全套嘅情況下,都係抽出先射精,還是選擇於體內射精後先抽出都可以 :wink:

  4. 其實性行為後,擔心會唔會有懷孕風險係好正常嘅情況 :blush: 始終暫時世界上並無一種避孕措施係能夠做到100%避孕成功率 :pleading_face: 男用安全套嘅避孕成功率為98%(perfect use,完全正確使用),同82%(typical use,一般使用)。所以只要有正確戴好安全套,同埋透過使用潤滑劑減低安全套因摩擦而破損嘅機會,其實安全套嘅失敗率係好低嘅,無需太擔心 :two_hearts:
    如果依然都係好擔心的話,其實都可以同伴侶好好討論,睇下會唔會希望安全套之外,再嘗試配合埋口服避孕藥,避孕針等避孕工具,因為呢類荷爾蒙式嘅避孕方式相對嘅避孕率較高 :wink:

Thanks for answering my questions
2. 我一直都有用完裝水check
3. 我係知道要射先慢慢退出 下次應該唔會咁做