Hello…我有性方面問題想問下
因為我會用app記錄m期…上個月22號黎m…有2個紀錄月經app。2個app分別話應該今個月19號及20號會黎…以其中一個app黎睇姐係遲左。平時跟據app大多數會準…係上個比app紀錄早左2-3日黎m…
而分別2個app都有話11月4日或5日係排卵日。而我係1號(應該踏入危險期)及15號有做愛。有正確戴安全套，事後有注水知道安全套沒有穿！
但直到今日20號仲未黎m…肚漲漲…依2日突然夜尿次數多左。剛剛11點多用驗孕棒驗過係沒有懷孕
…同埋已經忍尿4小時…由琴晚訓教到驗孕前都冇飲過水
所以想請問咁既情況
1:係咪姐係沒有懷孕？只係因某原來遲M？
2:同埋想知道咩情況會搞到尿頻出現，因為網上資料話懷孕會引致尿頻…所以都好怕
Hello @Bobo_bo 
暫時只係比apps顯示嘅預計來經日子遲左大概2-3日，都無需太擔心啊 
月經來遲可以有唔同嘅因素，例如生活作息唔定時、飲食唔均衡、情緒有起伏、壓力過大、最近生病有服藥（特別係抗生素）等。可以耐心等候多幾日先 
因應番你嘅情況，如果兩次性行為過程中，都有戴好安全套，而性行為後注水亦肯定安全套無穿的話，其實懷孕嘅風險係好微 而你20/11亦有嘗試過用驗孕棒驗孕，都證明1/11果次嘅性行為並無導致懷孕。
但係都提醒番，因為一般受精卵著床需要6-9日，所以如果想驗孕的話，我地會建議性行為11日後進行驗孕，會比較準確及可靠。不過好擔心的話，其實性行為7日後驗孕都可以有初步嘅驗孕結果，但性行為11日後驗孕就會較準確及可靠。所以20/11該次嘅驗孕，就未能證明埋15/11嘅性行為有無導致懷孕啦。
就如上文所講，懷孕嘅風險係好微，加上月經來遲可以有好多原因引起，暫時可以耐心等候多幾日先
雖然尿頻都係一個常見嘅懷孕徵兆，不過始終尿頻都有好多情況引起（例如最近飲水過多、泌尿系統出現狀況等）。如果最後選擇再進行多一次驗孕，而驗孕結果都顯示係無懷孕（又或者月經已經黎左），但夜尿嘅情況持續，亦令你感到困擾的話，咁到時可能就建議睇睇醫生，了解一下最近夜尿次數增加嘅原因啦 
。
最後，的確Apps可以透過過往經期日子，計算你下次嘅排卵期及經期，作為參考。不過都要提醒番嘅係，因為排卵期可以受到好多因素而有所改變，從而提早／延遲，所以唔建議依賴或盡信手機apps所顯示嘅危險期／ 安全期，去發生唔安全嘅性行為 
而到左預計來經日子嘅時候，但係發現月經都係未黎亦無需太擔心，有機會係受上文提及過嘅唔同因素（生活作息唔定時、飲食唔均衡、情緒有起伏、壓力過大、最近生病有服藥等）影響導致月經來遲 
，可以先耐心等候，無需太擔心 
。
嗨…尿頻方面我搵到原因啦…原來因為自己曾經訓前飲過紅棗水…食過龜苓膏而引致的。因為聽講紅棗龜苓膏都係利尿。依2日冇飲到…而且訓前3小時都冇飲水…結果一教訓天光。
但我仲未黎m我想問食感冒藥或者中藥會否引致排卵期提早/遲？從而引致月經遲來？因為其中一個app話11月4日係排卵日…另一個app話5號係排卵日。我正正係11月4日發燒…中藥西藥都有食…而且都準時隔4-5個鐘就食藥…好似食到5/6號就冇食
所以唔清楚食藥會否引致月經遲來？？
同埋前晚試過突然好痛…好似m痛咁…那住那住…係好突然咁痛
Hello~ 生病服食過藥物的確有機會影響經期．而好似經痛嘅感覺有機會係黎經前嘅徵狀，不過如果過往無試過依個情況或者疼痛程度嘅話，建議去睇醫生了解返身體狀況
嗨…想問下生病會影響經期。但有冇話會影響到遲幾耐先黎？同埋會唔會因為生病食左藥…然後影響排卵期延遲…從而影響埋經期遲？
因為我知道係過左排卵期先會黎月經。但我唔清楚藥物影響會唔會都影響埋排卵期…同埋唔知影響期有幾長。會唔會因為食左藥…可能令到排卵期遲左半個月有多？
其實任何會影響到身體荷爾蒙嘅藥物或者身體嘅狀況其實都會影響到月經週期嘅，例如作息時間，又或者好似你咁病咗，同埋食藥都會影響到月經週期嘅。最常影響到月經原因就係因為藥物或者身體狀況打亂咗排卵嘅週期，令身體遲咗或者早咗排卵。排卵後都未必係即刻就會有月經嚟嘅，卵子要經歷死亡、子宮內膜脫落等等嘅過程，而呢啲過程嘅時間都會因為身體嘅荷爾蒙水平改變而有唔同嘅。 
好似你咁講，係過咗排卵期會嚟月經嘅，但係唔代表月經期間唔會係排卵期架，因為有啲月經週期比較短嘅人，會係月經未結束就排出下一粒卵子架啦。如果真係好想知道自己準確嘅排卵日嘅話，其實要係醫生嘅指示底下每日都用排卵棒驗先會得知邊一日係真係排卵嘅日子，而呢個日子係可以每個月都唔一樣嘅。 
好好奇你發生咩事呀？食緊咩藥？你以往嘅週期係咪度希會遲少少架？其實食藥物真係會好影響月經週期嘅，特別係你食緊一啲抗生素或者消炎藥嘅話，影響會更加大嘅。
每個人嘅身體狀況同佢食緊嘅藥物其實都會唔同程度咁樣影響到月經週期嘅，同埋都要同醫生講返你依家呢個情況，睇下醫生會有咩指示或者需唔需要再多啲關注，醫生先係最清楚你身體狀況同埋食緊咩藥嘅人呀。