22 歲，女。
我同男朋友拍左一年拖，感情都唔錯。我地雖然冇去到性行為嘅最後一步，但我地都會互相幫大家，拍拖嘅初期我地成日會係街冇咩人嘅地方摷吓或者摸下，我每一次都會好興奮同好濕。
因為我地屋企都唔係好方便嘅關係，我地每一個星期都會book幾個鐘酒店咁，拍拖初期嘅時候係連係咁二錫下摸下都會濕，覺得個氣氛好淫同有性興奮，但係唔知點解，唔知由幾時開始，完全冇感覺，比人摸嘅感覺就好似自己摸自己，完全冇feel，更加唔好話濕。
我有諗過自己係咪性冷感，但係我都係會有需要嘅感覺，會睇片（可能冇拍拖初期咁密同多），我自己嚟嘅方法一直都係夾大脾/枕頭 （唔知係咪common 嘅方法？）係會覺得爽，但係去到同男朋友嘅親密行為嘅時候就完全冇feel，甚至開始覺得有d 悶，開始覺得似交功課，冇咩想要嘅感覺。但其實我自問男朋友都會有好多前戲，甚至買埋震蛋，我淨係覺得玩具好舒服，但冇性興奮，甚至唔會點濕 。
我唔知點解會搞成咁，我依家因為咁完全唔想去酒店，究竟係咪我習慣左定我性冷感？有冇咩解決嘅辦法？
Hello~ 伴侶之間嘅激情同愛意一樣，都係需要雙方嘅用心經營嘅 
喺岩岩一齊嘅時候，大家都未係好了解對方，亦都有好多野未一齊經歷過，所以對對方同埋經歷嘅一切都充滿好奇，以致性行為時嘅刺激感覺較強烈。但當一齊左一段時間之後，大家都對對方有一定嘅了解，亦都好熟悉性行為時嘅routine同感覺，所以對性刺激嘅感覺無一開始嘅時候咁強烈，其實係好正常嘅情況黎嘅 
不過咁亦唔代表要一直冷淡落去，而係同愛情一樣，可以透過製造一啲小驚喜黎提升性關係嘅激情 
見你提到你同男朋友每星期都會book酒店，欣賞你地會花時間喺彼此嘅性關係上，但係都要留意一點就係過於程序化嘅性愛有機會令性行為變成好似「交功課」一樣嘅日常事務，以致失去激情同樂趣。所以如果你地本身係會事先傾好去酒店嘅日子時間嘅話，黎緊依個星期不妨試下唔好預定一日先，到見面嘅時候如果雙方興起先即時去酒店，宜家有唔少時租酒店app可以即日book酒店即時check in，咁樣就可以避免性行為變得程序化 
另外，見你提到同男朋友性行為時有使用性玩具，的確性玩具可以增添性愛嘅情趣同歡愉，不過如果你目前只係喺前戲時使用性玩具嘅話，建議你喺性愛時都配合性玩具進行，例如你可以喺男朋友插入時同時使用震蛋，另外市面上亦有一啲情侶共享嘅性玩具，例如可以同時刺激陰蒂同陰莖，咁樣既可以增加性愛時雙方嘅性刺激，亦都可以令性玩具融入性愛中，而唔係單方面用作提升你嘅性歡愉嘅工具。
除左使用性玩具之外，你同伴侶亦都可以喺性愛時添加一啲新元素，例如唔一定要固定一方做主動，或者可以設定一啲大家平日性幻想嘅情境，例如醫生同病人、按摩師同客人等等，又或者可以嘗試一啲雙方都有興趣嘅元素，例如BDSM，咁樣可以有助添性愛時嘅新鮮同刺激感，過程中亦都可能讓你地發掘更多雙方性感嘅一面，當然每次添加新元素嘅時候都需要有雙方嘅共識
性同愛好多時都係雙輔雙成嘅 (當然亦有人可以將性同愛分割，都係個人選擇係無問題嘅) ，所以喺嘗試提升性關係嘅激情嘅同時，亦都唔可以忽略左愛情方面嘅滋養，你可以反思下你地彼此係唔係依然保持住當初愛對方嘅心，願意花時間同心思喺對方身上 
？可以問下自己喺深入了解對方過後係唔係依然覺得對方有值得欣賞同愛慕嘅地方 ？大家係唔係都樂於溝通同分享雙方嘅諗法 
？依啲都係經營一段關係嘅重要元素之一，如果喺反思嘅過程中發現有所欠缺嘅時候，可以同伴侶一齊諗下點樣可以做好啲，咁樣對提升性關係時嘅親密感亦都好有幫助架 