點先知道自己係普通興奮定性興奮

如題,同埋女仔性興奮會有乜感覺,Google搵全部都係性高潮既結果。

我比我男人玩我胸部有種心速加速會想深呼吸既感覺,會想避但又唔係唔舒服既感覺。
會要求對方對我胸部比更多刺激比自己
果段時間我會特別想「食」自己既男朋友,會特別想做同佢同一樣既野(會想探索佢邊度敏感似佢挑逗我一樣)
同埋去到一個點唔知係咪開心得劑會唔開心,之後我就要求對方停止挑逗自己同佢抱

補充:親吻行為會比未刺激前大膽,會有種感性壓過理性既感覺

Hello~ 性興奮係指人受到性刺激時感到愉悅嘅身體狀態,一般嘅身體反應包括肌肉收縮、心率及呼吸速度加快、呼吸深度提升等,不過依啲身體狀態係因人而異嘅,無一個特定嘅標準,而每個人對刺激唔同部位嘅感覺都唔同,例如有啲人會因為刺激乳頭而達致性興奮,而有啲人就會覺得刺激乳頭好痕或者有啲痛所以覺得抗拒咁。

你提到男朋友刺激你嘅胸部嘅時候,你會想同男朋友有進一步嘅性行為,依個感覺同身體反應係因為身體受到性刺激嘅時候,性慾會提升,以致推動你透過更多嘅性刺激而達致高潮。性慾本身係一種情感,所以性愛的確係情感主導嘅行為,不過當然亦要顧及對方嘅感受同意願 :blush: 而當你男朋友刺激你嘅胸部一段時間之後,你會想對方停止刺激,亦係好正常嘅感覺,因為性慾就好似食慾一樣,當我地食野,滿足左個慾望之後,食慾就會慢慢減退,性慾亦都係一樣 :relaxed: