月經不嬲都幾準時 就算遲都只係遲一兩日
本身有用開月經Apps 佢話今日係安全期 懷孕機會低
亦都係排卵日之後六日
如果呢個時候 我同另一半無套插入 但無射 懷孕機率又係幾多？
Hello，其實睇返你嘅情況，都會有意外懷孕嘅風險嘅。 
首先，你所謂嘅「安全期」、「排卵日」，其實係要等到月經到之後先能夠推算返上一次嘅排卵期。App只能夠係估計，作為參考，唔能夠作準。因為月經、排卵呢啲生理現象，係由身體唔同嘅繁複系統配合而產生，所以好容易受到其他因素影響，例如：荷爾蒙分泌、飲食、藥物、作息、壓力等等。所以每個月經週期嘅排卵日都可能唔同。呢個都係你有時會月經週期日子唔同嘅原因。所謂嘅「安全期避孕法」通常只建議俾身體狀況穩定、月經週期規律，並且其他避孕方法都唔適用嘅女性，同時要配合長期每日做體溫記錄／排卵試紙測試記錄／子宮黏液觀察。 
而你所講嘅體外射精亦有導致意外懷孕嘅風險。首先，即時未射精，陰莖喺受到刺激同埋性行為嘅過程中會分泌透明嘅尿道球腺液。尿道球腺液係有機會含有少量精子嘅，而一個精子已經會導致懷孕。同埋，要喺射精前抽出陰莖都需要一定嘅控制能力，如果未能控制到則有機會令部分精液留於陰道內。而且要記住體外射精都可能對你地嘅性行為帶嚟壓力。 
綜合返你所講，如果你今個月身體狀況穩定、作息飲食同平時差唔多，近期月經週期都比較穩定；再加體外射精冇精液漏喺陰道內嘅話，意外懷孕嘅風險係相對低，但仍然都有。而如果擔心今次性行為有意外懷孕風險，可以考慮緊急避孕；或者可以考慮性行為後7日驗孕，會得到初步結果；而11日後，則可以得到較準確嘅結果。同埋都建議下次發生性行為嘅時候做返安全措施，咁享受性歡愉嘅同時亦都可以避免意外懷孕風險。 
上網睇過話每次排卵期 分泌物都會增加
我想問排卵日嘅分泌物係最多 定係之後個日先係排卵日？
同埋我今日個下腹有一兩下痛
月經Apps話我7日後會黎M
到底係因為我黎M前嘅唔舒服定係因為有左？
的確係排卵期嘅時候，分泌物的確會增加，但係分泌物可以被好多因素影響，我地都唔可以單憑呢D特徵就覺得分泌物多嘅時候就係排卵期。而每個人嘅身體情況唔同，幾時出現幾多份量嘅分泌物都係受到好多嘢影響，因此我地好難用分泌物嘅多少去判斷係咪排卵日。
好似 @Ching_StickyRiceLove 咁講：
所以你可以參考App上面嘅數字，但佢未必準確嘅。如果真係好想知道自己準確嘅排卵日嘅話，就要每日係醫生嘅指導下使用一段長時間嘅排卵棒，先至會比較容易同準確咁知道邊一日排卵架。 
另外陰莖係性興奮嘅時候，已經會分泌出一種透明液體，稱為尿道球腺液 。而呢種分泌物係含有少量精子，係有導致懷孕嘅風險嘅。 
建議你可以係對上一次性行為之後嘅7日後驗孕，你會得到一個初步嘅結果。如果想知道比較準確嘅結果，就可以最後一次性行為11日後驗孕，只要你跟足說明書上面嘅指引正確咁使用驗孕棒，同埋係指定嘅時間內睇結果，其實個結果都可信架啦。 