今個月啱啱開始食避孕藥，係黎m第一日食，食到第10日就冇戴套，本身我係諗住男朋友外射既，但佢射左少少係入面，咁樣會唔會有bb
同埋想問下食左避孕藥係咪可以內射
同埋想問埋食左事前避孕藥仲有冇份危險期同安全期
你好呀 @rain62 
如果你已經食到第十日，而係過程中你都無漏食藥或者遲食藥嘅話，避孕藥已經開始發揮緊功效架啦，都唔需要太擔心架啦。 
同埋提提你，其實用計算安全期去避孕並唔係一個可靠嘅方法，因為每個女仔嘅月經周期唔一樣，而且月經好易受外在因素影響，週期亦會隨之而改變，變相亦較難準確推算出一個絕對『安全』的日期。而且係難以發現有改變，直至到月經未嚟個一日。加上每個人嘅排卵時間都唔一樣，而月經同排卵期有機會會撞期，所以即使啱啱完咗月經亦有機會受孕架。 
我係指食左避孕藥之後，冇套性交個陣仲洗唔洗分危險期同安全期
只要你係有一直有按指示定時持續服藥，就無需要再擔心幾時係安全期，因為你嘅身體已經係會因為避孕藥藥效嘅緣故，而抑制左排卵同埋令精子難以同卵子結合及著床。因為避孕藥會抑制排卵，所以服用避孕藥期間係唔會有「排卵日」 
，亦唔會有所謂嘅「危險期／安全期」（一般需要停藥後第一個月經週期先會恢復排卵）。如果有持續穩定咁服藥，其實每一日都係你嘅「安全期」啊
所以有好好按指示服藥就無需太擔心啊！！
食完21粒之後7日無藥期，避孕既效果係咪都會維持住
避孕藥所含人造荷爾蒙，會透過唔同途徑減低懷孕嘅可能性，例如：抑制卵巢排卵、增加子宮頸黏液嘅黏稠度令精子難以穿過、改變子宮內膜環境令受精卵難以著床等等。 
雖然你今個月係首次服藥，但你係月經期間開始服藥，亦服用咗超過7日先發生性行為。只要你每日按時服藥，服藥期間冇漏食／服食後嘔吐或者肚瀉嘅情況，就算係7日無藥期間，都會有避孕效果嘅。 
不過其實市面上嘅事前避孕藥種類有好多，每一牌子所含荷爾蒙同劑量同一樣，加上唔係每個人嘅身體都合適食避孕藥，如果係服藥之前徵詢過醫生（例如家計會醫生或普通私家門診醫生）意見咁就更加穩陣啦～ 