好擔心。救命

原定星期六嚟m 13,14 n 18/11都有安全性行為 但係今日都未嚟m 一日未嚟都好驚好擔心 應該買支棒驗下定只可以等:sob::sob:

Hello 唔好咁驚~ :sparkling_heart:

如果你有正確咁使用安全措施,無論係邊一種都有好高避孕成效嘅。其實有好多因素都會影響月經週期嘅,例如荷爾蒙分泌、飲食、作息時間、藥物等等,可能導致每次月經週期嘅長度同日期都唔同。你呢排會唔會訓得比較少?或者壓力比較大?又或者有冇病咗要食藥? :thinking:
另外見你之前喺其他post(11月28日)問咗關於食緊急避孕藥嘅問題,都想了解返你最後有冇服用?因為服食緊急避孕藥都有機會影響月經週期嘅。 :face_with_monocle:

你可以放鬆下心情,耐心等待。
如果你依然好擔心,你都可以考慮去買驗孕棒,並按照說明書指示進行驗孕。而且要喺說明書指定嘅時間內睇結果,過咗時間驗孕結果就會失效。現在距離你18號嘅性行為已經過咗11日,可以得到準確嘅結果嘅。 :wink:

不過要提醒你,今次驗孕係18號性行為嘅結果,唔能夠反映你28號嗰次性行為有冇導致意外懷孕(如果要針對28號嗰次性行為進行驗孕:7日後,即係6號就會有初步結果;11日後,即係10號就會有較準確嘅結果)。見你之前嘅post有提及你嘅擔憂,都想了解下你最後有咩決定。因為緊急避孕藥要喺唔安全性行為後120小時(5日)內服用,想提返你如果你未食藥而又想見醫生食藥就要盡快預約。醫生會評估你嘅身體狀況適宜、確保你冇懷孕先會俾藥你嘅。 :woman_health_worker:t2: :man_health_worker:t2:

唔知係咪太大壓力先會遲嚟m 呢排冇病 今朝亦驗咗冇事 已經放鬆咗好多 希望m快啲嚟:persevere: