我係女仔, 最近左邊乳暈成日都好痕, 點解呢?

我係女仔, 最近左邊乳暈成日都好痕, 點解呢?

Hello~ 胸部痕癢有好多唔同嘅因素,例如近排天氣乾燥以致肌膚較敏感容易痕癢,如果平日無搽潤膚露嘅習慣可以喺每晚沖涼後搽返啲潤膚露喺胸部 :blush:

胸部痕癢亦都有機會係因為月經前後嘅荷爾蒙變化所致,就好似月經前胸部可能會出現漲痛嘅情況一樣,依個情況通常都會隨住月經完結後就會慢慢紓緩 :relaxed:

另外,乳暈痕癢有時都會因為衣服磨擦所致,部份質料例如蕾絲,或者無咁貼服嘅胸圍剪裁都有機會增加穿著時嘅磨擦,所以可以多穿著一啲棉質為主同貼服剪裁嘅胸圍 :blush:

只要胸部痕癢嘅程度無增加,亦都無其他胸部不適嘅話,都唔需要太擔心嘅 :relaxed: 但係如果發現情況持續並且有其他不適嘅話,就建議去睇醫生了解下身體狀況 :woman_health_worker:t2: :man_health_worker:t2: