有幾大機會懷孕?🙏

女友呢幾個月period都係介乎24-35日 冇試過超過35日
上次m係28/10 我地24/11有無套外射
今日都未嚟m
想問下24/11係咪危險?好擔心:pray::pray:

另外佢上星期六開始有少少尿道炎 但冇食過藥 淨係有病會唔會導致月經遲?
多謝咁多位admin​:bowing_man:t2:‍♂:bowing_man:t2:‍♂

Hello~ 經期嘅長短其實係受好多唔同嘅因素影響嘅,例如生活習慣改變、心理壓力大、生病服食過藥物等等,所以所謂嘅安全期其實好多時都要到月經黎嘅時候先可以推算返,因此並唔係一個有效嘅避孕方法 :x:

照你所講嘅情況,24/11嗰次性行為無使用安全套,雖然無喺體內射精,但因為男性受到性刺激嘅時候,陰莖會自動分泌一啲透明而黏黏地嘅液體,叫做尿道球腺液,當中都含有少量精子嘅,所以的確係有懷孕嘅機會 :pleading_face:

因為宜家距離嗰次性行為已經過左5日,所以已經過左緊急避孕藥嘅補服時限,建議你地可以喺性行為嘅11日後進行驗孕,因為驗孕棒係透過檢測尿液中嘅人绒毛膜促性腺激素水平黎測出懷孕結果,依啲激素係喺受精卵著床後開始釋放,而受精卵著床大概需要7-11日,所以驗孕棒最早可以喺性行為嘅7日後測出初步結果,而喺性行為嘅11日後檢測嘅結果就會更準確。你地可以買兩個牌子嘅驗孕棒,按照使用說明書嘅指示檢測,如果兩個嘅結果都係陰性嘅話,咁就應該係無懷孕啦 :relaxed:

如果現階段未有計劃生育嘅話,建議每次性行為時都採用有效嘅避孕方法,除左安全套之外,荷爾蒙避孕方法例如口服避孕藥、避孕針或者子宮環等都係有效嘅避孕方法,不過留意只有安全套先可以預防性病同細菌感染,你地可以傾下邊種方法比較適合你地 :blush: