興奮時腳指捲曲,性器官敏感度

請問下:

  1. 性興奮時候,腳指或者腳板點解會自己曲起上來呢?是不是男女都會這樣呢?係咪高潮時先會咁呢?

  2. 另外,話男仔自慰太多,龜頭感敏感度會下降,但隔一陣會返返來;但女仔陰蒂就會越刺激很多,就會越敏感,係咪嘅呢?

謝謝你

你好呀 @Patrick

1)當性興奮去到高潮嘅時候,人嘅身體會不斷抽搐嘅,有時啲肌肉都好難控制得到,因此當全身嘅肌肉都不斷繃緊嘅時候,腳趾或者腳掌就會彎曲架啦,但係唔一定人人係性興奮嘅時候都會有咁嘅情況嘅,亦都唔會話某一個性別或者某一種人會特別容易出現呢個狀況。 :relaxed:

2)嗯,好似你咁講啦,如果係自慰嘅時候不斷刺激龜頭獲得快感,敏感度的確會降低嘅。當佢唔再刺激得咁多,或者暫時停止自慰嘅時候,龜頭會慢慢再次變得敏感嘅。其實陰蒂嘅情況都係一樣嘅,都係會隔一排就會比較敏感。 :laughing:

有趣嘅係,陰蒂有超過8000條嘅神經末梢。比起陰莖嘅神經末梢多一倍,換言之,陰蒂可以獲得嘅快感比陰莖多好多,而且陰蒂比陰莖細小好多,因此輕輕觸摸已經有非常強烈嘅快感。其實唔係越刺激得多就越敏感,反而係越刺激得多越唔敏感,因此要更多嘅刺激先可以滿足到。 :smiley:

用按摩棒嚟做例子,可能一開始嘅時候用1檔已經覺得非常刺激,但當慢慢習慣之後,就需要更大嘅震動先可以感受到同之前相同嘅快感,因此就會慢慢加大震動嘅檔數啦。係咪不可逆嘅呢? :thinking:

其實就唔係嘅,因為身體係會有彈性嘅,佢係可以隨住你嘅需求同習慣去調整嘅,當你減低咗嘅刺激度,身體都會慢慢調節適應返,佢都有好多空間去調節嘅,只不過過程係需要啲時間,而呢個時間每個人都會唔同嘅,有啲人本身整體適應力強啲嘅,佢好快就能夠調整得到;有啲人適應力無咁強,可能就需要多啲時間去調節下,所以都唔洗擔心嘅。 :relaxed:

謝謝你呀

因為我聽過,話性器官嘅神經同腳係同一條之類,所以會有類似反射動作tim :joy:

呢個又啱唔啱呢?因為腳指爪起,似乎又真係好自然會自己做嘅動作:thinking:

人嘅身體並非由一條好長嘅神經連接住,而係由好多部分連成 :blush:。好多身體部位嘅神經,亦有機會相互連結。而控制神經嘅主要部位就係我地嘅大腦。所以好多時身體上感受到嘅刺激及之後做出嘅反應,都係由我地大腦所發出黎嘅訊息。

大腦入面亦有分唔同嘅區域,去負責發送各種訊息比身體唔同嘅部位,例如透過發送訊息至運動神經,再傳到肌肉去控制我地嘅活動。大腦亦能夠同時間發出訊息到唔同嘅身體部位,從而令我地身體出現各種反應 :relaxed:

當性興奮/高潮嘅時候,大腦會釋放出神經遞質-多巴胺和催產素,從而發出訊息令全身嘅神經放鬆 :two_hearts:,全身嘅肌肉亦會有機會因此而抽搐(包括腳趾)。而當一個部位嘅肌肉收緊/抽搐嘅時候,其實亦會帶動附近其他部位嘅肌肉,而呢個收緊/抽搐嘅幅度每個人亦會有所不同。例如有部分人只係會停留於性器官範圍抽搐;但亦有人可能會帶動埋身體其他部位一齊抽搐(例如腳趾、手趾,甚至其他比較無明顯反應嘅身體部位)。所以並非係性器官嘅神經直接刺激腳趾嘅神經,或性器官嘅神經與腳係同一條,而係大腦一次過能夠刺激到全身嘅肌肉反應 :blush:

因此,「腳趾彎曲(toe-curling)」係一個自然嘅肌肉反應及反射動作,不過亦唔係每一個人每一次性行為都會有呢個嘅肌肉反應 :wink:

明白,謝謝你:smile:

1個讚