我食左兩個月nordette(21粒)避孕丸，喺食完第一個月避孕丸之後我遲左一個幾星期先開始第二包，我食藥既時間每日都有半個至一個鐘既差異。nordette包裝指示話如果遲左開始食避孕丸就要食7粒之後先可以唔洗用其他避孕措施。我食左10粒避孕丸之後同男朋友喺6月13同14號有過3次無其他避孕措施既性行為，佢冇內射。由於我從未試過唔用避孕套，之後我一直都好擔心自己會懷孕，好驚避孕丸唔work，擔心到失眠同好唔開心，有—兩個禮拜差唔多每晚都喊。我喺有性行為之後兩個星期驗左次孕係negative。我食完第二包藥之後第5日有出深紅色既血，但係血量唔多，去廁所都冇血，第3日就完，同普通period唔同，搞到我好驚。之後我又驗左次孕都係negative。我依家好驚我停左藥period唔黎，我開始食藥前不嬲經血量都唔多，如果依家隔左一個月驗孕準唔準?我驚我擔心到做傻事，咁樣再驚落去真係好辛苦
你係咪淨係驚有bb 我見你都有做過驗孕 其實驗孕準確度都幾高 驗過兩次都陰性 如果你擔心都可以再驗多次，幾時驗先準可以參考返個盒上便嘅說明，有啲性交後七日已經準，有啲要1個月。
再嚟m，個個時間係咪你平時週期嘅時間?
如果食避孕丸令你咁擔心，你會唔會考慮下同男朋友用其他避孕方法?
我不嬲經期都唔穩定同經量少，上次食完藥黎既m係29/6-1/7，我唔知應該幾時expect period黎
我同男朋友一直都有用開condom，剩係喺6月13同14號個三次無戴。
我用嗰隻避孕棒話係喺missed period之後anytime驗
如果好擔心，不如買另外一個牌子的驗孕棒驗啦，咁樣你會安心d
而且你經期本身就唔規律，服食避孕藥應該諮詢下醫生意見呢
我都同意julia，你會唔會考慮用其他避孕方法？
我用過曼秀雷孰同萬寧
食藥加安全套會唔會好啲??
係咪應該去家計會配藥?
我想知道你宜家食開嘅係醫生開定係自己買/係藥房配?
如果係醫生度開的話, 就照醫生比你嘅指示食就可以啦, 未必需要再去家計會個度配。當然你去尋求second opinion亦都無問題。
至於同時食藥同用套都係無問題嘅 - 只要你覺得咁樣會放心啲就可以。理論上食左藥穩定左就可以唔駛用其他避孕措施, 但如果兩者都用我反而擔心係男朋友個面會點樣睇, 呢樣有必要同男朋友傾傾, 等佢尊重你個意願。
1個讚
你既然用過咁多驗孕棒，都係negative，就代表冇懷孕。
如果用套就唔需要食避孕藥啦。服食避孕藥對身體有影響，要小心服用啊。
去家計會可以配藥，有不同劑量的避孕藥供你選擇。如果你26歲以下，可以去家計會的青少年保健中心配藥。
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=1
1個讚
我係自己買既，我下個月先18歲諗住18先睇冇咁壏圿
我男朋友好包容我，反而佢怪自己令我咁擔心
咁你可以放輕鬆D唔駛太緊張啦 
我重係驚停左藥period唔黎，我上網睇有可能要1-3個月先回復正常，我會驚到傻
停左藥身體再無外來荷爾蒙調節, 當然會有一段時間先黎或者黎得唔穩定
咁個段時間仲有其他避孕方法嘛
唔洗咁擔心 每個人食避孕藥嘅反應都會唔同 
你未必會咁嘅 反而緊張嘅心情都會影響你經期伽
同埋見你都會有經期不穩定嘅情況，可以叫醫生建議避孕藥幫手調理經期，有咩可以一次過問埋醫生咁就唔洗之後繼續咁驚 support you!!
1個讚