上次月經是11月16日，今天是12月8日，相距23天，，週期大約30-33天，然而今天內射了。但我看見網上的人說若陰道比平常濕有機會是排卵期，會不會排卵期的時間會突然延後10天。有點害怕。
然而在12月2日的時候，是月經後的第17天，該日我亦進行了2次性行為，第一次有帶套，第二次沒有。想請問第一次殘留的精液進入陰道後會否懷孕。麻煩曬
補充問題：現在需要吃事後藥嗎
其實排卵會受好多因素影響，例如荷爾蒙分泌、作息、飲食等等，所以唔可以單靠計算日期去推測幾時排卵。亦只有係月經出現後我哋先可以知道上一次月經周期（由月經來臨當天直至下次月經來臨前一日）係幾多日，再去「大概估算」可能排卵嘅時期。日子上除非每日都係醫生嘅指引下使用排卵棒去測試，否則單憑計算日子都係無法知道實際係邊一日排卵。所以總括而言，我哋係唔能夠準確預測到底下次幾時會排卵。 
而發生性行為時候陰道濕潤都受其他因素影響，例如身體狀況、放鬆程度、性興奮狀態等等。喺排卵前有機會會有較黏稠或者蛋白狀嘅分泌物，而平時陰道都會有透明至淺白色分泌物，性興奮嘅時候都會有巴氏腺分泌物作為潤滑，所以唔可以靠性行為時候陰道嘅濕潤程度去判斷當時身體是否正在或已經排卵。
而照你所講，你地12月2號同8號都發生咗冇使用安全措施嘅陰莖插入陰道式嘅性行為，其實只要性器官有直接接觸過就已經有懷孕風險。而你哋嘅情況係兩次都有精液進入過陰道懷孕嘅風險亦會更加高。 
你可以同伴侶商量下會唔會用緊急避孕措施，例如係去家計會或者私家診所見醫生，經評估後由醫生處方緊急避孕藥。要注意返緊急避孕需要係性行為發生72小時或120小時內進行先可以緊急避孕，所以現時只能夠為12月8號嘅性行為考慮進行緊急避孕。，而且醫生係處方藥物前都會會確保當事人係冇懷孕才會俾藥。 
如果你地衡量完決定唔會食藥，而又擔心有意外懷孕風險，都可以考慮驗孕。性行為後7日驗已經會有初步結果，而係11日後或預計經期日子驗就會有較準確嘅結果。
1個讚
唔該曬你，但係想問多句安心啲，如果佢都係30-35日黎一次M，除左特別情況下仲有冇機會黎m後20幾日先開始排卵，因為如果個女仔係穩定既話係大概係14日個日排卵架嘛
其實要知道排卵嘅準確日子嘅話，係需要係醫生嘅指導下每日使用排卵棒驗先會知道邊一日係排卵日，而今個月嘅排卵日子又同下個月未必一樣，而且排卵嘅日子受到好多因素影響，都未必一定係月經完結先會排卵嘅，有啲人月經週期比較短嘅，好可能係嚟緊月經嘅時候已經排緊卵架啦，所以唔可以講實係邊日，都只能夠粗略估計架咋 
同埋推算排卵日果度係講緊出現咗月經嘅第一日，倒數返去14日，果一日先係推算排卵日，所以你只可以推算之前果次嘅排卵日，將來嘅排卵日係推算唔到嘅。 