非淋復發?有冇得斷尾

26/11性行為(只有有套陰道性交) 兩日後下面流分泌物 急症話係非淋+淋 打左針食左doxy 兩日後症狀仲有 就去左社衛睇 都係淋+非淋 依家食完個療程 過左4日 下面間唔中都有流好少好少既分泌(有時係透明粘液/有時係一滴水) 通常都係要用力禁條J先會有 唔知係咪扯左旗既關係or心理作用定點 好怕未好返曬 會唔會斷唔到尾

你好呀 :wave:t2: :wave:t2: :wave:t2:

都同你講返先,淋病主要都係奶白或者偏黃綠色嘅分泌物,非淋嘅症狀多數都同淋病好相似或者冇病徵,所以你陰莖流出透明嘅黏液都未必係關淋病同非淋事嘅。陰莖係勃起嘅時候都會有一啲透明嘅分泌物嘅,佢個名叫尿道球腺液,係無感染淋病同非淋嘅情況都會有嘅。但係你食過藥物,因為藥物都有可能令到啲分泌物嘅狀況有改變,可能會多咗或者少咗,濃稠或者稀咗等等嘅情況都有可能出現嘅。要留意返嘅就係,如果陰莖係疲軟嘅狀態下都有出現嘅話,可能就需要再搵返社會衛生科果邊檢查啦,通常你睇完之後佢會約你食完藥之後返去覆診嘅,如果你係疲軟狀態下都有分泌物,而呢個情況都持續嘅話,你可以打電話過去睇下佢地可唔可以幫你安排早啲覆診,如果唔係其實都唔洗太擔心架。 :wink:

其實會唔會有痊愈但係仲有症狀既情況出現?

非淋病尿道炎 及 淋病能夠透過服用抗生素,及定時配合醫生的跟進檢查,達致徹底根治的狀況 :blush:

要留意嘅係,即使症狀無再出現,並唔等於完全康復。依然係需要定時接受醫生嘅跟進檢查,先能夠達致完全徹底根治 :woman_health_worker:t2: :man_health_worker:t2:。徹底根治後,體內嘅非淋、淋病細菌理應係已經全部被殺滅,唔應該會再出現相關病徵(例如尿道流出明顯液體、小便灼痛)。

現時你嘅徵狀(分泌少量透明黏液),亦唔似非淋/淋病的病徵,較似正常的生理現象,當然亦不排除有機會是由其他情況引起。如果依然擔心非淋、淋病嘅細菌尚未完全根治,或擔心有感染其他性病的話,就好似 @Kaleo_StickyRiceLove 所講,可以再去社會衛生科果邊檢查,讓醫生跟進你嘅情況,亦助你掌握治療進度 :wink: