割包皮前後, 打飛機方法會唔同?
割之前, 包皮包住龜頭, 我隻手可以chok到上龜頭, 割之後, 隻手chok到去龜頭底部果個樽頸位果度 (即係有條坑果個位), 就會感覺好似kick 一 kick咁, 唔多舒服, 咁樣係咪正常?
Hello~ 首先因為唔清楚你係幾時割包皮嘅，所以都提一提你醫生一般唔建議割完包皮後一段時間（一般為6星期）自慰或者有性行為嘅
割包皮後因為包皮緊貼着陰莖，所以初時的確係會比割包皮之前較難將包皮滑過冠狀溝 (即係你提到龜頭底部有條坑嘅位置)。你可以嘗試吓係自慰時添加一啲潤滑劑，從而減低包皮同陰莖嘅摩擦，潤滑劑方面建議選擇水性或者矽性，水性相對容易清洗，但係都比較容易揮發，需要定時補塗；而矽性就相對持久，但係唔可以同矽性嘅性玩具（例如飛機杯）一齊用。另外亦唔建議選擇油性，因為非常難清洗，而且如果你自衛嘅時候會使用安全套嘅話，油性潤滑劑會破壞乳膠安全套。
另外，因為割包皮之後龜頭會外露，所以呢亦都可以嘗試吓直接刺激龜頭嘅位置，而唔係好似割包皮之前咁要隔住包皮去刺激。不過要留意嘅係，初時直接刺激龜頭有機會好敏感，而造成不適，所以啱啱開始嘗試嘅時候記住循序漸進，按自己嘅感覺去調整刺激嘅力度啊