41日冇黎M,好驚有左

  上個月11月27去完男朋友屋企,個陣有幫佢含過。但坐喺佢大脾個陣(面對面個種),我只係著左底褲,佢就底褲and長褲。印象中有hi到下,之後佢都有試過用手掂我下面(個陣末含)。
  依家41日都未黎M,好擔心有左😖,之前試過一次相隔42日先黎。
 希望可以有人答到我🙏🏻。

Hello~ 精子接觸到空氣之後,通常係幾分鐘內就會死亡,而接觸到皮膚、衣物等表面嘅時候,就會進一步減低精子嘅存活率,所以照你所講嘅情況,一方面你係性行為嘅時候有穿着內褲,另一方面你同男朋友並無發生插入式嘅性行為(陰莖插入陰道),所以精子進入陰道嘅機會係好低嘅。而即使你男朋友同你指交嘅時候,雙手有機會沾有陰莖嘅分泌物,但係就好似頭先咁講,精子係接觸到空氣同皮膚之後好快就會死亡,所以整體黎講懷孕嘅機會都係非常低嘅,唔使太擔心:blush:

至於經期嘅長短其實係受好多唔同嘅因素影響嘅,例如生活習慣改變、心理壓力大、生病服食過藥物等等,所以月經比預期遲咗嚟唔一定等於懷孕,而且見你提到過往亦都試過比原定來經嘅日子過咗42日先黎經,所以有機會係因為你嘅經期日數本身比較長,建議你觀察多一個星期,如果過咗一個星期依然未來經嘅話,就建議去睇醫生了解返身體狀況 :woman_health_worker:t2: :man_health_worker:t2:

唔該你,不過我今日都未黎m :sneezing_face:

想問多野樣 求多個安心:sneezing_face::pray:t2:
上面你講嘅指交,其實我都唔算得上係指交,只係在著住底褲嘅情況下,有摸左過,咁懷孕嘅機會率會唔會再低啲?:bowing_woman:t2:

指交其實係指用手指插入另一個人嘅身體內,你嘅情況可以係愛撫,但唔係指交嚟架。 :pleading_face:

睇返你講嘅情況,係唔會有懷孕嘅可能嘅。懷孕係需要精子同埋卵子嘅結合先會發生嘅,而你嘅情況,假設你11月27已經係排咗卵,咁你已經有卵子係度啦,但係對方嘅手指係無精子產生嘅,即使佢手指唔小心沾上啲精液,精子係接觸到內褲嘅時候就會死亡,因爲精子好脆弱,接觸到其他物質係幾分鐘內就會死亡。同埋精子係需要依靠精液提供養分同作為媒介移動,內褲呢啲衣物會吸乾曬精液,加速佢嘅死亡,所以根本就唔會接觸到卵子,係無精子嘅情況底下,卵子自己一個係無可能懷孕架,所以唔洗擔心架。 :relaxed:

好,唔該你:pray:t2:

1個讚