做愛時候有奶白色分秘物,急!!!

今日同女朋友做愛時,全程有用condom,射完拔出,condom無移位無sip住,但有一滴奶白分秘,condom有裝水check無穿無爛,女朋友話過程中,都有奶白分秘係condom上,其實有無問題?要唔要食事後?

Hello~ 你提到嘅奶白色分泌物有機會係女性喺性興奮時嘅分泌物,而唔一定係精液,見你提到使用安全套後有注水測試安全套有冇破損,依個係一個有效測試安全套有冇破損嘅方法,所以如果測試結果並無水滲漏出黎嘅話,就代表安全套冇破損,精液唔會滲漏到入陰道,所以懷孕嘅機會係相當低嘅,唔需要太擔心 :blush:

想知condom係咪最大機會係儲精個位破裂?注水都係儲精位再多少少

安全套無論邊個位置,都有破裂嘅機會。

除左射精時候嘅衝擊力,令儲精囊位置較容易破裂外,有時亦有機會因為安全套過期、使用左唔適合嘅潤滑劑(例如油性潤滑劑會損壞乳膠安全套物料)、性行為過程摩擦力太強等原因,令安全套其他位置都有破裂嘅機會 :fearful:,而肉眼未必咁容易睇到。

所以都會建議番注水嘅時候,注到整個陰莖有接觸到安全套嘅大概高度,即安全套「有被使用過」嘅長度,確保安全套其他嘅部分都無破裂嘅情況 :blush:

聽聞唔夠濕同某牌子易穿,但果日女朋友夠濕,而儲精位再多少少無事,係咪安全?每次做做下,都要check condom 個狀況,其實壓力都幾大

根據你所講,其實伴侶意外懷孕嘅風險都好低,可以唔洗咁擔心嘅。正如之前所講,你見到嘅奶白色液體應該係伴侶嘅分泌物。陰道同巴氏腺喺受到刺激或者性興奮嘅時候會分泌透明至半透明嘅液體,有潤滑嘅功效,經過性行為嘅摩擦同衝擊之後會有機會變做白色(類似拂蛋白,蛋白由透明變做白色嘅現象)。而你所用嘅安全套經過注水測試係冇漏水嘅話,其實都好安全。 :wink:

安全套嘅避孕成功率,在一般使用(typical use)嘅情況下下為82%,完美使用(perfect use)嘅情況下下為98%。性行為整個過程中都有正確使用安全套,意外懷孕機會都會比較低。正確使用安全套嘅資訊,可以參考返我哋嘅ig post:https://www.instagram.com/p/B4EX0FVFLUf/?igshid=1coiuxijhw7fr。 :nerd_face:
而可以降低安全套失效嘅方法有:首先,要選擇尺寸適合嘅安全套,太細有機會破損,太大有機會在性行為過程中脫落;儲存安全套要避免陽光直射、避免包裝接觸到酸性、鹼性、油性、尖銳嘅物體,避免摩擦,以免安全套喺儲存過程中破裂;使用時要避免指甲、牙齒等整穿安全套;同埋建議性行為中使用潤滑劑(建議使用水性、矽性、水矽混合嘅潤滑劑;唔建議使用油性產品,因為油性成分會導致乳膠安全套破裂,亦會影響陰道健康嘅pH值),避免安全套因為潤滑不足同摩擦而破裂,關於潤滑劑嘅更多資訊,可以參考:https://www.instagram.com/p/B5cf5Z9FCaS/?igshid=ien1u8zwykk1; 射精後,在陰莖疲軟前按住安全套底部抽出陰莖,避免安全套脫落留係陰道或者精液流出。 :blush:

見到你話每次發生陰道插入式性行為嘅時候,都會好擔心condom嘅狀況而有壓力。想要要提返你,其實除咗完全唔發生性行為之外,現時冇一種避孕方法有100%嘅成功率。但只要有正確使用避孕措施,其實意外懷孕風險都會比較低微。如果你依然好擔心,想有多一種保障,你可以同伴侶溝通下,睇下會唔會考慮使用埋其他嘅避孕方法。例如荷爾蒙避孕法:避孕針(避孕有效率為94-99%)或者口服避孕藥(避孕有效率為91-99%),配合安全套一齊使用,可以更加提升避孕成功率。咁就可以更加安心地享受性歡愉啦。 :smiling_face_with_three_hearts: