小弟一直懷疑自己有包莖問題，29歲了，但由於打飛機時唔影響就一直沒有處理，平時包皮會好好保護龜頭，龜頭會見到但唔會外露，直至今日女朋友幫我口交時，龜頭終於第一次重見天日，出黎時都唔太難，但完事後龜頭唔肯歸位，一直露出，掂到時會比較敏感同底部有少少刺痛既感覺
咁龜頭會唔會歸位？定出左黎唔返去都正常？
要唔要睇醫生打救？
Hello @Hk_happy 
包皮嘅功能係保護龜頭、避免摩擦，及減少細菌接觸尿道口嘅機會。所以包皮係有需要覆蓋翻龜頭嘅部分，以發揮包皮嘅功能啊 
。
如果一直無翻包皮習慣，頭幾次可能會覺得難以翻開／退回，以及有輕微痛楚或不適嘅感覺，不過一般會隨著身體適應有改善。現階段可以先輕輕慢慢嘗試退番包皮番黎 不過如果自行嘗試過仍然有強烈痛楚／無法翻開，就要考慮儘快求醫
。一方面等醫生幫助你退番包皮翻黎，另一方面亦趁呢個機會可以讓醫生評估一下你嘅狀況係咪都屬於包莖（包皮無法翻開，讓龜頭露出）問題，睇下係咪都有需要作進一步嘅跟進或處理。
始終從衛生角度黎講，於清潔嘅時候能夠翻開包皮，露出龜頭，係好重要嘅一步。因為好多時包皮垢會藏於冠狀溝位置（龜頭下方一圈嘅溝狀構造），唔好好清潔係有機會令龜頭發炎，以及出現異味。
特別要留意，出現嵌頓性包莖（Paraphimosis）狀況，即包皮翻開後，無法退回正常位置，係有機會出現緊急嘅情況，需要馬上求醫 
。其中一個狀況，係因包皮開口太細令龜頭血液或淋巴循環出現問題，令包皮及龜頭部位腫脹。呢種情況，如果超過24小時唔就醫，很可能會造成遠端處包皮水腫、缺血、甚至有壞死嘅可能性，到時如果已經出現包皮壞死性缺血情況，則可能就要即刻接受包皮環切手術啦 
。
參考花蓮慈濟醫院《包皮過長及包莖》：
感謝解答，包皮已成功覆蓋龜頭了，嚇死寶寶
1個讚