我好擔心😭急

係咁嘅,我今日同女朋友有親密嘅接觸,我無著底褲,佢有,我用手掂左一掂我嘅尿道球腺液,但過左幾廿秒就已經乾左,我仲有掂過啲衣服,再用同一隻手插左入女朋友陰道度,但只係入左少少,我想問下咁樣會唔會導致懷孕:pray:t6::sob:我好後悔,我嗰陣完全唔記得左我掂我啲分泌物:sob:

求回覆:sob::pray:t6:

Hello,你呢個情況下意外懷孕嘅機會係極低嘅。 :wink:

陰莖喺受到刺激或者性興奮嘅時候會分泌尿道球腺液,當中有機會含有少量精子。不過精子暴露喺空氣入面好快就會死亡。尤其如果尿道球腺或者精液已經乾咗,精子就會死亡。而且你有掂過衣物,會進一步抹走分泌物。所以你哋今次嘅性接觸係唔會導致意外懷孕。 :relaxed:

下次在發生性接觸,即使唔係發生陰莖插入陰道式性行為,都建議你哋使用安全套,亦可以考慮使用指套,避免尿道球腺液或者精液直接接觸到伴侶嘅陰部,或者因為手指等間接接觸導致有體液接觸。同埋如果手接觸到陰莖分泌物,要清潔同抹乾先接觸其他身體部位啊。 :blush:

唔該晒你呀!:sob::pray:t6:

同埋我都想問多條問題呀:pray:t6:
我想問下尿道球腺液裏面嘅精子係咪因為上一次射精嘅時候殘留落黎?係咪只要屙尿就可以沖走喺尿道嘅精子?:thinking:因為我喺同女朋友發生性接觸嘅前兩日有射過精,但係之後嗰兩日都有屙到好多次尿,咁樣我今次嘅尿道球腺液裏面嘅精子會唔會少左好多,從而令今次嘅懷孕機率減低?:pray:t6:(唔好意思呀 麻煩到你)

有無人可以答到我:pray:t6::sob:

尿道球腺液裡面嘅精子的確係上一次射精殘留嘅,有無試過刺激陰莖,但未射精,有啲透明液體係陰莖最頂部個窿(馬眼)裡面流出嚟,呢個叫尿道球腺液,裡面本身就的確無精子嘅,但係每次流出嚟嘅時候都會經過尿道,因此會將之前殘留嘅精子連帶咁排出體外。:nerd_face:

雖然屙尿的確可以沖走尿道裡面嘅精子,但係我地都唔能夠確保每次屙尿都可以百分百沖走所有遺留係尿道個精子。同埋無論精子多少都好,卵子只要同一粒精子相遇同結合,就已經可以懷孕,所以唔會有少啲精子懷孕嘅風險就細啲嘅情況。:pensive:

不過唔洗擔心,你嘅情況,懷孕風險係好低嘅,因為你地無發生過陰莖陰道交合嘅情況,再加埋你話手上嘅分泌物都乾咗,好似 @Ching_StickyRiceLove 咁講:

「如果尿道球腺或者精液已經乾咗,精子就會死亡。而且你有掂過衣物,會進一步抹走分泌物。所以你哋今次嘅性接觸係唔會導致意外懷孕。 」

唔洗擔心嘅,如果真係擔心,都可以係性行為7日後用驗孕棒驗孕得到初步結果,或者11日後驗個結果就更可信,但記得要跟足說明書上面嘅指示做,同埋係指定嘅時間內睇結果呀,睇完就要掉咗個驗孕棒,無用架啦。:wink: