被動手淫會唔會有性病

一開始冇套摸左30秒左右 之後戴套打飛機 但係主要係我打 佢冇乜掂過我下面 過程冇任何口交/陰道交
1)想問會唔會中性病 例如 HPV HSV2 梅毒?
2)點解咁多網站都話手既皮膚會傳染性病 高唔高機率?

1)咁就要睇返你手上會唔會有傷口啦,性病嘅傳播途徑係源自於高風險個體液接觸,高風險體液包括陰道分泌、尿道分泌、精液、腸液、血液等等,當接觸到有破損個黏膜組織,通常存在陰道、尿道口、肛門、眼睛、口腔等等比較脆弱個部份,而令性病感染更容易嘅情況就係身體當時有流緊血嘅傷口,咁病毒就更容易進入身體。如果你手上冇傷口,亦都好似你咁講,冇任何口交陰道交,基本上係唔會有感染嘅風險,都唔洗咁擔心嘅。 :wink:

都想多口問句,當時嘅對象係邊個嚟架?有咩原因令你產生咗呢個擔心嘅? :pleading_face:

2)其實唔同形式嘅性行為都會有感染嘅風險,但係有程度高低之分,如果話單純用手嘅話,屬於低風險嘅。但係當你手上同埋對方性器官都有傷口、有皰疹嘅水泡或者椰菜花嘅水泡,就屬於高風險架啦。 :nerd_face:

141 因為一開始佢冇套摸左我下面所以有啲擔心

椰菜花或者皰疹會生係手? 定係因為佢接觸左性器官既黏液所以先會傳染比我?

性病疣(椰菜花)同埋陰部皰疹嘅病徵都係會出現喺性器官或者附近嘅地方,所以即使對方患有依兩種性病,都唔會透過手嘅接觸而傳染俾人。除非好似 @Kaleo_StickyRiceLove 咁講, 你嘅黏膜組織,例如尿道口、肛門、眼睛、口腔等,接觸到對方嘅高風險體液,例如陰道分泌、尿道分泌、精液、腸液、血液等,而當時你嘅黏膜組織係有破損淌血嘅傷口,咁就有感染性病嘅機會。

不過其實感染性病嘅大前提係對方本身患有性病,就你所講嘅情況,雖然對方係性工作者,但都唔一定代表對方患有性病。除非去做性病測試,如果唔係我哋都無法判斷對方有冇患上性病,所以無論性行為嘅對象係咩人都好,都建議性行為嘅時候使用返安全套,咁就可以有效減低患上性病嘅風險 :blush: