在12/25與男友發生性行為 (無套但體外射)
一兩個小時之後用排卵棒驗到陽性
第二天去看醫生處方事後藥 (22小時左右)
請問意外懷孕機會高嗎(因為不知12/25是否排卵日)？
你好呀 v123 
首先同你講返先，體外射精唔係一個有效嘅避孕方法嚟，因為陰莖勃起嘅時候會產生一啲透明嘅尿道球腺液，裏面會含有少量嘅精子，都會有導致懷孕嘅風險。
不過你做得好好，當你冇計劃有懷孕嘅時候，第二日就去咗食事後丸，咁樣嘅話藥物就已經係身體裏邊發生緊效用㗎啦，唔使擔心㗎。即使25/12係排卵日，你食咗事後丸之後，高劑量嘅荷爾蒙透過增加子宮黏液嘅分泌，令精子更難接近卵子同受精，同時更多嘅子宮黏膜亦都會令受精卵難啲著床，所以都唔洗特別擔心架。
我網上見到有人在服用事後丸後懷孕有點擔心，是否要在服藥後出現撤退性出血先代表避孕成功？
徹退性出血係講緊服用口服避孕藥 (而唔係緊急避孕藥)停藥之後，出現並非自然月經嘅出血情況。咁係因為持續服用人造荷爾蒙後，會取代自然週期，欺騙身體「已經排卵，已經令子宮內膜增厚」。所以當停藥期間，荷爾蒙水平下跌，就會刺激子宮內膜出血。
當然冇一種避孕方法係絕對安全嘅，不過只要使用有效嘅避孕方法，係可以大大減低懷孕嘅機會嘅。因為因為緊急避孕藥嘅荷爾蒙劑量較高，副作用較大，所以並唔可以作恆常避孕之用。因此，建議你喺之後嘅性行為時都採用返有效嘅避孕措施，例如安全套、口服避孕藥、避孕針等，咁就唔使每次性行為之後都咁擔心啦 
另外，想提提你一點，就係服用緊急避孕藥之後，因為受人造荷爾蒙影響，月經有機會比預期提早或者延遲，所以如果出現呢個情況，都唔使太擔心嘅 如果月經比預期來經嘅時間過咗一個星期都未黎嘅話，就建議去睇醫生了解返身體狀況 
服用事後丸後，一直斷斷續續有經痛症狀，是正常的嗎？
女性服用事後丸後，常見會出現頭痛、噁心、頭暈、疲倦、經痛、腹痛、背痛及乳房脹痛等嘅現象。喺一般情況下，以上嘅副作用唔會持續超過廿四小時 。
參考《家計會－緊急避孕》：
而你提及到嘅經痛症狀，大概持續左幾耐／幾多日？依家仲有無呢種感覺？
25/12到今天，有幾日都出現經痛情況，都是輕微經痛，好似谷月經，但月經未到
還有想問肥胖會唔會影響事後藥的效果？
如果經痛嘅程度無加劇嘅話，加上過往黎經前都會有輕微經痛嘅話，相信係嚟經前嘅症狀，所以唔需要太擔心
至於肥胖一般黎講係唔會影響緊急避孕藥嘅藥效嘅，而且因為緊急避孕藥喺香港係法定必須經醫生處方嘅藥物，而醫生係處方緊急避孕藥之前都會評估你嘅身體狀況係唔係適合服用，所以醫生決定處方緊急避孕藥俾你就代表你嘅身體適合服用，唔會影響藥效架啦 
但是聽說排卵期後出現類似經痛情況有機會是受精卵着床痛
我昨天又有經痛情況，會否就是所謂的着床痛？
雖然受精卵着床大概係性行為後6-9日嘅時間，但係因為你係之後已經服用左緊急避孕藥，佢嘅高劑量荷爾蒙可以干擾受精過程，避孕成效好高 (避孕成功率: 97-99%) ，所以懷孕嘅機會好低
如果真係好擔心嘅話，可以係性行為嘅11日後進行驗孕，因為驗孕棒係透過檢測尿液中嘅人絨毛膜促性腺激素 (hGC) 水平去測試懷孕嘅結果，依種激素會喺受精卵着床之後開始分泌，已頭先提到受精卵着床大概需要6-9日嘅時間，所以係性行為嘅7日後可以驗出初步結果，而係性行為嘅11日或以後驗孕嘅結果會更準確。你可以買兩個唔同牌子嘅驗孕棒，按照說明書嘅指示進行驗孕，如果兩個嘅結果都係陰性嘅話，咁就應該係冇懷孕啦