你好呀，
1。如果戴住套，感覺射咗之後繼續抽插，其實係咪唔可以呢？會唔會容易整穿個套呢？
2。有時候插到中間，自己本身想停唔射住，但身邊自己就射咗出來。係咪身體，心理都有關呢？點樣可以控制好d呢？
3。另外女朋友熱咗身，會感覺到佢陰道會鬆咗好多。呢個時間插到盡，會感覺頂到d嘢，係咪已經係子宮頸呢？雖然自己插入長度只係剛掂到，但會唔會整傷佢ga? （雖然暫時一插到，女朋友都會話特別舒服）
4。女朋友有時做完咗，會話陰道口「下面」，即是近肛門個方向有少少痛。係咪熱身唔夠引致呢？
謝謝你地
Hello你好呀 @Patrick 
- 其實都會令安全套容易整穿個套嘅風險嘅，因為本身安全套都有個容量係度，當射精之後繼續抽插就會有逼爆咗安全套嘅風險嘅，容易整爛個套架。另外都會擔心個套會甩出嚟，因為射精之後，精液係比較滑嘅，而且陰莖係射精之後都會比較容易疲軟，當你射完精之後繼續抽插，就會好容易令陰莖滑出安全套或者精液漏出，導致精液有機會掂到陰道口，然後當你再插入去嘅時候，會將係陰道口嘅精液帶埋入陰道裡面，咁樣就有可能有懷孕嘅風險啦。
都有啲朋友仔係射精之後繼續抽插，但精液比較滑，令安全套留咗係陰道裡面嘅情況嘅，都會好擔心會唔會咁樣流出嚟嘅。所以建議你射完精之後，儘快用手按實陰莖底部嘅安全套，將陰莖抽出陰道外，然後用紙包住安全套再除翻出嚟，咁樣就可以最大程度咁樣避免精液掂到陰道口，而你又唔小心將精液帶入陰道嘅風險。 
- 如果只係想延遲自己射精嘅時間又或者喺射精嘅時候忍住，但都可以分為生理同心理方面用一啲辦法令射精嘅時間延遲嘅。
係生理方面可以試吓練習凱格爾運動。凱格爾運動（Kegel exercise）係不斷收縮骨盤底肌嘅運動嚟嘅，因為骨盤底肌同陰莖其他嘅器官都有關聯，當你訓練骨盤底肌就會可以容易啲控制自己肌肉嘅收縮，咁就可以控制射精嘅時間啦。首先要搵到骨盤底肌係邊度先，你可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果個收緊骨盤底肌嘅感覺，然後就可以試下每日3次，每次10下，每下都夾緊3秒放鬆5秒。因為凱格爾運動係訓練身體裡面肌肉嘅運動嚟，所以要持之以恆先會見到效果架。 
心理方面就可以試下係抽插或者就射嘅時候停低，諗下其他嘢，例如背下書、諗吓今日做過咩等等，分散下自己嘅集中力，令想射嘅感覺無咗，再默數10秒，先繼續，咁樣可以令你無咁集中係身體嘅感覺到，變相令射精嘅時間延遲啦。 
- 你做咗前戲，例如撫摸陰蒂、挑逗敏感帶等等，當然就會令對方放鬆，身體放鬆嘅時候，肌肉都無咁繃緊，而陰道都有肌肉，當然都會放鬆啲。而你頂到嘅位置都有可能係子宮頸，當插入深入到子宮頸嘅時候，的確會有頂住嘅感覺，基本上如果唔係太過激烈嘅話，都唔會話整親嘅，正如你女朋友都會話特別舒服咁。不過每個人嘅陰道結構都係唔一樣嘅，未必個個都係完全直曬平滑嘅管道咁，會有唔同嘅形狀同埋有凹凸不平嘅情況都係常見嘅。
如果你想更容易掂到子宮頸嘅話，其實月經前後子宮頸都會下垂，姐係變得短咗，咁樣會容易啲掂到子宮頸架。但係要留意嘅係，未必個個都會鐘意頂到子宮頸咁入，可能有啲人頂到子宮頸會覺得好痛唔舒服，咁就要避免啦。 
- 除咗前戲唔夠，都有可能係性行為嘅姿勢或者強度太激烈，又或者潤滑度唔夠造成嘅，建議你下次可以使用潤滑劑同埋減低性行為嘅強度，睇下會唔會好啲。
明白哂，謝謝你
。happy new year!
1個讚