指交有B風險

想問下如有男友自己打飛機 條野有啲唔知乜嘢流出嚟(佢冇射)之後佢打多左幾下,隻手唔知有冇掂到,隔咗2分鐘佢用75%火酒消毒,然後再幫我指交,咁會唔會有B

本身自己都有焦慮症,依家真係超擔心,依家同男朋友真係唔知點算,希望大家可以幫我解答下:pleading_face::pleading_face::pleading_face:

機會性很低筤低

同埋都想問吓火酒殺唔殺到精

陰莖性興奮嘅時候,會分泌出透明嘅尿道球腺液,內含少量精子,係有機會導致懷孕。不過尿道球腺液/精液內嘅精子接觸空氣後,一般會幾分鐘內就會失去活動能力死亡。接觸皮膚嘅表面亦會加快呢個過程

而你提及到男朋友另外有用火酒消毒,基本上尿道球腺液已經被抹走曬,而精子亦因尿道球腺液乾透/已被抹走,而失去曬活動能力。所以之後佢再用手指幫你指交,係唔會造成懷孕嘅 :blush:,無需太擔心啊。

常見嘅消毒火酒(例如ethyl alcohol, isopropyl alcohol)確實能有殺精,或減低精子的活動能力嘅效用。但要強調,不能以火酒作殺精劑。因為陰道及陰莖係好敏感嘅部位,直接接觸消毒火酒,係會刺激到甚至令灼傷陰道/陰莖嘅皮膚或其他組織啊 :persevere:

參考《Healthline - Hand sanitizer can kill sperm but don’t use it as a spermicide》

最後,其實精子接觸唔同嘅物質同空氣好快都會死亡,下次可以嘗試考慮使用一D有殺菌功能嘅洗手液洗手,應該都已經好足夠 :blush: :relaxed: 咁都有助減低酒精意外接觸到陰道或者陰莖,而造成敏感嘅機會啊。

唔該晒:pray:t6::pray:t6::pray:t6: 但係唔好意思想問多句,其實仲有啲擔心隻手掂到但係啲火酒可能未全面消毒晒手指嗰啲罅隙

就好似 @Sze_StickyRiceLove 咁講,精子接觸到空氣同唔同嘅物質表面例如皮膚、衣物等,都會好快死亡,所以照你所講嘅情況,係冇懷孕嘅風險嘅 :blush:

如果真係好擔心男朋友手上嘅精液/尿道球腺液會接觸到陰道嘅話,可以考慮喺指交嘅時候使用指套,除咗可以避免精液/尿道球腺液會接觸到陰道之外,亦都可以避免將手指上嘅細菌帶入陰道,減低細菌感染嘅機會:relaxed:

但係我唔太清楚究竟指甲上面/罅隙有冇抹乾

都想知道你係咪仲未嚟M所以仲係好擔心呀? :pleading_face:

唔洗擔心架,咁樣係無懷孕嘅風險嘅,好似上面嘅同事咁講,精子係空氣裡面暴露咗2分鐘,就算有收埋係手指指甲上面/罅隙,已經乾曬,而乾曬嘅精子係唔會有活動能力嘅,因為精子係需要靠精液提供養分同埋作為媒體先可以想前游。再加埋你用火酒消毒雙手,其實酒精嘅揮發速度好快,幾秒就已經可以揮發咗,相信你每日用酒精消毒都會知道有幾快係咪?咁樣酒精會將精子剩餘嘅水份帶走,再加埋精子接觸到酒精依家死亡,就唔會令你有懷孕嘅風險架。 :wink:

精子死咗架啦,而且本身你地性器官都無接觸過,無懷孕嘅風險架。 :laughing:

如果真係好驚好驚,你可以係男朋友幫你指交後11日用驗孕棒驗孕,結果都準確架啦。 :relaxed: