話說小弟今日唔小心同女朋友做完愛，發現個condom帶反左
唔知會唔會有影響
♂♂
希望有人解答下♂♂
如果戴嘅過程都係順暢的話，都有機會其實本身係無戴反，而係性行為後取出安全套果陣抽出，先整反咗個套。可能一時無為意，就以為自己一陣都戴反咗，都有呢個可能性啊 
。一般正面的話，安全套嘅膠圈係會喺外面；而反面嘅時候，膠圈係會被包住喺入面。一般情況下，如果你戴反咗安全套，係唔能夠好順暢咁套上，安全套亦唔能夠穩定咁維持在陰莖上面 
。
但係如果你都幾有印象戴嘅過程其實都係有D困難，但係最後都有繼續勉強戴上發生性行為，而之後先知道係戴反咗的話，其實我地都會建議去做緊急避孕 
。始終過程中有機會其實安全套係無套好，而安全套根部亦未能緊貼陰莖底部位置，令分泌物（例如尿道球腺液／精液）有機會流出，依然係有懷孕及性病傳播嘅風險。
緊急避孕方面，建議性行為後120小時內（事後丸的最長服用期限），選擇去家計會／母嬰健康院／普通科門診／婦科診所／急症室睇醫生（事後丸喺香港係屬醫生處方藥物 ），等醫生處方事後丸作緊急避孕。咁就可以確保懷孕嘅機會減到最低 
事後丸有分2種，分別係需要係性行為發生72小時或者120小時之內服用，如果決定要食就要盡快去睇醫生啦。
詳情都可以睇番《家計會－緊急避孕》：
如果同女朋友商量過之後，覺得唔想做緊急避孕的話，都可以係性行為7日後，去進行驗孕，已經可以得到初步嘅結果。而一般受精卵著床需要6-9日，所以喺性行為11日後，或者預計月經嘅日子驗孕的話，結果都會較可靠及準確 。
一般我地都會提醒翻大家，戴嘅時候如果已經發現戴反左，就建議即刻丟左個安全套，然後再換一個新嘅
原因包括：
1）戴反左嘅時候，安全套已經會有好大機會接觸到尿道球腺液（陰莖性興奮時，分泌出黎嘅透明分泌物，內含少量精子）。如果直接取出安全套，再反翻去正確果面，繼續重用個安全套的話，其實係會令到尿道球腺液就變左處於安全套嘅表面，並能於性行為過程中直接接觸到陰道位置，有機會有導致懷孕嘅風險，同時亦有性病傳播嘅風險 
。
2）戴反咗嘅時候，安全套較難套到最底，性行為過程中有機會有鬆脫滑落嘅風險 
。
想再仔細咁了解翻如何分辨安全套正反面，可以睇翻我地糖不甩之前出過嘅post。
《Stickypedia系列－安全性行為：第一寶》
https://www.instagram.com/p/B4EX0FVFLUf/
平日都建議keep多幾個安全套喺身邊，咁萬一戴反咗嘅時候，都可以即刻有個新嘅使用啦～