唔知點解冇黎m

一向黎m都唔準
31/10 有sex 有戴套
31/11 黎左m
但直至依家都冇再黎m
會唔會有左bb?
明明冇乜壓力,點解都唔黎m?

Hello~ 首先經期係會受好多唔同嘅因素影響嘅,除咗壓力之外,生活作息習慣改變、生病服食過藥物,又或者係荷爾蒙轉變都會影響經期嘅長短,所以月經遲咗嚟唔一定係等於懷孕嘅,加上你提到本身你嘅經期都唔係太穩定,所以如果你有記錄經期嘅習慣嘅話,可以先睇返以往最長嘅經期係幾多日,如果今次嘅經期係未超過嗰個日數嘅話,都唔使太擔心住嘅,可以先嘗試放鬆心情,月經就自然會嚟㗎 :relaxed:

而照你所講嘅情況,只要每次性行為嘅時候都有正確咁使用安全套,懷孕嘅機會係好低嘅 :blush: 而且懷孕後其中一個明顯嘅症狀係停止來經,所以現時可以肯定嘅係31/10果次嘅性行為並冇懷孕嘅風險 :blush: 有關正確配戴安全套嘅方法可以參考我哋IG嘅依個post,入面仲有影片示範配戴步驟:relaxed: https://www.instagram.com/p/B4EX0FVFLUf/?igshid=1wbqlrqw6s3mv

不過如果真係好擔心懷孕嘅話,可以喺最近一次性行為嘅7日或者11日後進行驗孕,因為驗孕棒係透過檢測尿液入面嘅人絨毛膜促性腺激素(hGC)水平去測出懷孕結果,依種激素係受精卵着床之後會開始分泌,而受精卵着床大概需要6至9日嘅時間,所以驗孕棒最早可以喺性行為嘅7日後測出初步結果,而喺性行為嘅11日後檢測嘅結果會更準確,你可以買兩個唔同牌子嘅驗孕棒,並按照說明書嘅指示進行驗孕,如果兩個嘅結果都係陰性嘅話,咁就應該係無懷孕啦 :relaxed:

如果過咗以往最長嘅經期日數都未黎經嘅話,就建議去睇醫生了解吓身體狀況同埋有冇需要調理下經期 :woman_health_worker:t2: :man_health_worker:t2: