11/1 同男朋友發生咗第一次
男朋友唔小心將個套倒轉咗放咗係自己性器官上面，之後到返轉帶啱個套，插入去陰道
之後男朋友摸過性器官 之後放隻手指入去陰道
12/1 去食事後藥（唔知點計排卵期）
咁樣會唔會有BB 好擔心！
你好呀 @Kaka123 
好似你擔心嘅一樣，反轉咗戴安全套，安全套上面有可能已經沾上咗尿道球腺液，裡面含有少量精子，再翻返轉戴進行陰道交就有懷孕嘅風險。 
但係你食咗事後丸嘅話，藥物已經係身體裡面產生作用架啦，唔洗咁擔心架。而且事後丸係含有高劑量嘅荷爾蒙藥物，透過抑制排卵或者令受精卵無辦法著床同埋令精子難以進入子宮去緊急避孕嘅， 所以都唔需要特別計排卵期嘅。一般嚟講，如果你係家計會食事後丸，醫生處方藥物之後都會再同你約個時間覆診，睇下有咩唔適應嘅，有唔舒服都可以打電話返去再約醫生檢查嘅。 
另外，男朋友摸過自己性器官再放手指放入去陰道呢度你都擔心會懷孕，但係其實呢個行為嘅懷孕風險係好低嘅。首先男朋友掂到自己性器官，沾上咗尿道球腺液，裡面有少量精子，佢地會因為接觸到空氣同埋唔夠水份而好快咁死亡，因為精子係需要精液提供養分同埋潤滑先可以係陰道裡面活動嘅，所以沾上手指之後啲尿道球腺液好快就乾咗，精子都會好快死亡，所以懷孕嘅風險好低架咋。 
1個讚