上個月和女朋友在危險期做愛，全程有戴套，有射精，做完拿出來發現避孕套向前甩左一半，不過仲硬同箍住條野。請問懷孕機率大不大？佢經期本身不太準，而今次已經過了一個月多也沒來。
你好呀 @cased 
都想知道安全套向前甩咗一半嘅時候，有無精液漏出嚟架？
如果無漏出嚟嘅話，懷孕嘅風險都好低嘅。 
好似你咁講啦，佢月經週期本身都唔太準，而月經週期都會俾休息時間係咪足夠、有無長期熬夜、生活習慣有無改變、係咪食緊藥物、係咪長期期處於擔心狀態等等都會影響到嘅，所以暫時都唔洗咁擔心住，可以觀察多一陣先。 
如果真係好擔心嘅話，最快都可以係最後一次性行為之後嘅7日或者預期經期果日用驗孕棒驗孕嘅，而係性行為11日之後，驗孕嘅結果就會更準確同可信啦。 
另外，你發生安全套向前甩左一半嘅情況，通常都係安全套嘅size太大，你可以量度下自己陰莖嘅尺寸，再對比返安全套上面嘅尺寸係咪一樣，睇下有無需要轉一款安全套呀。 
如果想搵自己合適嘅安全套尺寸，其實都好簡單。 安全套嘅闊度一般都有分M size、L size、XL size等唔同尺寸，一般以mm為單位（例如52mm ± 2mm）。如果過往買安全套之前，都未試過度陰莖尺寸的話，建議可以先度度陰莖嘅圓周。
量度嘅方法，就係當陰莖勃起嘅時候，可以用一個卷尺（或類似嘅物件，如繩），圍陰莖一圈，去得出陰莖嘅圓周。然後將 圓周除2，就係安全套所指嘅闊度 。因為安全套係有彈性，所以就可以選擇比實際尺寸細少少嘅安全套款式，比較可以避免安全套滑落嘅情況。