22/12-28-12呢段時間來m
29/12射咗系入面 check 過系安全期
9/1 體外射
想問下懷孕機會大唔大
經期一向都好準，如果有左幾時可以check 到？
因為都幾想生bb
你好呀 @Kk0221 
都想講返先，安全期避孕唔係一個有效嘅避孕方法嚟嘅，因為月經週期可以俾好多因素影響，例如生活習慣、睡眠足唔足夠、會唔會有好大壓力等等，會有機會延遲或者提早，即係好難準確推算出一個絕對「安全」嘅日期。加上每個人嘅排卵時間都唔同，只要排卵嘅時間有少少偏差，其實個安全期就已經無效架啦，而且月經同排卵有機會撞期，所以啱啱嚟完M，即使係喺所謂安全期內，其實都有懷孕嘅風險㗎。 
而且體外射精都唔係一個有效嘅避孕方法嚟嘅，因為陰莖係勃起嘅時候會分泌尿道球腺液，裡面都含有少量嘅精子，都會有懷孕嘅風險架。 
你可以最快係最後一次性行為嘅7日後，姐係16/1用驗孕棒驗孕，可以檢查到你9/1果次體外射精嘅性行為有無懷孕嘅，20/1就係性行為嘅11日後，呢個時候驗就會比較準確同可信架啦。
你依家都可以去驗一次嘅，咁就會知道你29/12果次有無懷孕架啦。 
希望你可以得到你想要嘅結果啦。 