我本身月經都唔準 最長試過42日 最短試過28日 我12月6號來m 本身個app預計我11號來 但係我都宜家都未來
因為上個月我係危險期有同男朋友做 但係我哋次次全程都有戴 但係我好驚會穿 因為有次唔記得捏走啲空氣先帶
我遲來5日嗰陣用萬x牌驗咗次 係陰性 之後我遲來6日再用clear blue驗咗次 都係得一條線 唔用晨尿會唔會唔準㗎
驚中咗
我到宜家下腹有啲脹住 但係仲未來 好驚中
我近排成日捱夜 同埋就嚟有test 唔知會唔會影響到
Hello @Fghy 
首先好欣賞你每次發生性行為，都有記得整個過程都戴好安全套，而有擔心、懷疑嘅時候，亦有去進行驗孕 
都想了解番上個月你擔心嘅果次性行為係幾多號發生？如果兩次驗孕，都係性行為11日後先驗孕，而過程中亦有依足驗孕說明書指引，咁相信驗孕嘅結果都已經好可靠同埋準確 既然兩次驗孕都係陰性，咁就無需太擔心。
雖然一般都會建議取「晨尿」去作驗孕，因為早上起身第一泡尿液，內含嘅hCG值濃度會係最高，亦會比較容易取得準確嘅驗孕結果。不過其實現時好多驗孕棒嘅牌子，敏感度同埋準確度都好高，除非驗孕棒說明書有建議／寫明，否則未必一定需要用「晨尿」去作驗孕，取其他時間嘅尿液去驗孕，都唔會有太大嘅影響 
，無需擔心。
腹脹除左可能係懷孕初期徵兆之外，其實部分女性月經來潮之前都會有機會出現腹脹嘅情況，所以都唔需要太擔心
其他常見嘅經前症狀，包括：頭痛、肌肉酸痛、容易疲倦等。經前症狀會因為每個人嘅身體嘅情況而有所唔同，唔係每一個女性，亦唔係每一次月經都會經歷經前症狀。所以出現腹脹嘅狀況，都唔一定係懷孕所引起
暫時月經只係黎遲左大概一星期，都無需太擔心住啊。有時最近情緒有起伏、壓力過大、生活作息唔定時、飲食唔均衡等因素，亦都有機會延遲月經黎嘅日子 本身經期都比較唔準，加上你最近比較夜訓，同埋可能最近有測驗都會令自己多咗少少壓力，都好有機會係導致月經來遲嘅因素 
。
最後，記得好好休息，祝你test一切順利 
我12月25，31同埋1月12都有性行為 但係app話我12月24號係排卵期 所以有啲驚會中
Hello 
首先想同你解釋返，月經同埋排卵都係由身體中幾個繁複嘅系統配合而形成，所以好容易受到其他因素影響。正如＠Sze_StickyRiceLove所講，情緒、飲食、壓力、作息、荷爾蒙分泌呢啲因素都會影響排卵同經期。所以app嘅記錄只係一個參考，唔可以完全作準嘅。而除非每日用排卵試紙測試，否則都好難肯定究竟邊一日排卵。 
見你講你16號同17號進行驗孕。性行為後7日驗孕會得到初步結果，11日後驗孕會得到較為準確嘅結果。所以你呢兩次驗孕嘅結果，可以肯定12月31號嘅性行為冇導致懷孕。如果你擔心，你都可以喺19號再一次進行驗孕，初步知道1月12號嘅性行為有冇導致懷孕。
見你哋每次發生性行為都有使用安全套，其實意外懷孕嘅風險都比較低，可以唔使太擔心。
好明白你擔心自己會意外懷孕，情緒好緊張。但既然驗孕結果係冇懷孕嘅，咁就可以嘗試去接受同埋相信呢個結果。放輕鬆，耐心等待，月經會出現嘅。
我今日見到有啲好淺啡色嘅血水 以為係嚟m 到手入咗支棉條入去 抆出嚟嗰陣見到啲分泌物有少少粉紅我想問下係著床定係就嚟來m
首先著床性出血並唔係懷孕後必定出現嘅情況，所以即使係出現流啡嘅情況都唔一定係著床性出血嘅 而著床性出血同月經嘅最大分別係：著床性出血嘅血量較少，通常係一塊護墊可以承載嘅量，而且亦都唔會好似經血咁逐漸增多，所以你可以留意下流啡嘅情況，如果血量逐漸增多就唔係懷孕嘅著床性出血啦
終於嚟咗 好多謝你哋解答我嘅問題
1個讚