宜家16歲 應該有包莖問題 平常和勃起龜頭完全包住 近排爬文知道要沖涼反出嚟清潔 之前有試過反到一半 今日突然自動退到落底 完全反左 反翻上去好困難 扯住包皮反上去有少少痛 好似話反完唔反上去會壞死 可能係自慰後反 宜家唔係好敢反 請問一開始嘗試反係唔係唔應該反到底 同埋沖涼時反會唔會好啲？
首先想問返多少少資料。你喺勃起嘅時候有冇覺得痛楚？勃起後包皮係咪完全包住龜頭？你之前有冇嘗試過反包皮？係咪反完包皮難以反返上去？ 
我地建議每日沖涼嘅時候都要反包皮清潔，因為包皮包住嘅地方可能有污垢，如果冇好好清潔包皮垢，龜頭會有機會發炎 
。而且沖涼嘅時候有水會比較濕潤，反包皮會相對容易。
如果你之前一直冇嘗試過反包皮，初時反會覺得唔舒服，甚至會痛 
。要循序漸進每日堅持，睇下情況有冇改善。同埋唔好一次反得太多，可能會令你覺得好唔舒服。
見你話今日有成功反到底，但反返去嘅時候唔順暢。其實通常都唔至於導致壞死嘅，只係你會覺得唔舒服。呢種情況下建議你慢慢反，避免一次過太大力拉扯。如果可以沖涼或者用潤滑劑輔助，應該會更加容易。 
如果嘗試一段時間後依然覺得有困難，或者覺得勃起之後有痛楚，勃起後就算用手輕輕反包皮都唔能夠露出成個龜頭。咁就要睇下醫生，等醫生評估下你係咪需要進行割包皮 
。現時某啲診所，醫療中心同家計會都有提供呢個服務，關於家計會服務你可以參考：https://www.famplan.org.hk/zh/our-services/clinic-services/men-health/circumcision/content
因為本身驚會有箍住嘅感覺 所以未試過喺勃起情況露龜頭 但勃起咗十分難反 平常情況勃唔會露龜頭 但如果手動喺未勃時成功反 而之後勃起沒有特別痛楚 請問咁樣係唔係冇問題？
照你所講嘅情況，如果陰莖未勃起嘅時候可以用手將包皮反到底，而反包皮後勃起亦唔會痛嘅話，係應該無包皮過長嘅問題嘅 另外因為包皮過長嘅話除左影響陰莖勃起之外，亦都會造成排尿困難，例如排尿時包皮會鼓起好似汽球狀，或者尿柱會好似花灑咁四散，所以你都可以留意下平日去洗手間嘅時候會唔會有依啲情況，如果無嘅話咁都唔洗太擔心有包皮過長嘅問題
而至於喺未反包皮下勃起後好難反嘅情況，就好似 @Ching_StickyRiceLove 咁講，有機會係因為之前未試過反而需要時間適應，你可以按照佢所講咁循序漸進咁嘗試下先，相信慢慢就會可以成功反到架啦 