我平時黎m嘅時間都唔係好準嘅，不過對上個3次黎m嘅日子都比較接近嘅，我對上一次黎m係16/12，如果計番成個週期，我應該係今個月16/1黎，但到今日都仲未黎
期間我有同男朋友做過好幾次，佢全程都有戴套嘅但係入面射，有2，3次係插咗幾下先帶，個2，3次都係帶住套先係入面射嘅。大概上個幾星期我有感冒，食咗感冒藥同咳藥水，唔知咁樣會唔會影響到我黎m嘅時間呢？我宜加個肚keep住有少少脹痛，塊面有生1，2粒黎m前嘅暗瘡，但胸就冇之前咁脹，下面未有白帶出現，我好擔心自己中招如果中咗唔知點同屋企人交代
你好呀 @Candace 
好高興睇到你有留意自己嘅月經週期，亦都有計算到自己嚟月經嘅日子，但係月經週期係受到好多嘢嘅影響㗎，例如瞓嘅時間夠唔夠啦、生活習慣有冇好大嘅變動、情緒會唔會有好多嘅波動等等，好似你咁，生病同埋食緊藥都會影響月經嘅週期㗎。 
雖然知道你好擔心，但係都要同你講你有兩三次無戴安全套插咗幾下都係有懷孕嘅風險架。因為陰莖勃起同受刺激嘅時候會流出透明嘅尿道球腺液，裡面含有少量嘅精子，相比起直接內射，懷孕嘅風險都係比較低嘅，唔洗擔心嘅。不過性器官直接接觸都係有風險嘅，只要有一粒精子同卵子結合到，就有懷孕嘅可能架啦，因此真係下次真係要全程戴足安全套呀。 
不過唔洗驚，依家驗孕都好方便嘅，你可以去一啲個人護理產品專門店買驗孕棒驗孕，你喺對上一次性行為嘅7日後驗孕就會有初步嘅結果， 11日後就會有更加準確嘅結果。記住要跟足說明書上嘅步驟去做，同埋喺指定嘅時間睇結果。
如果真係驗到有懷孕嘅話，其實都唔使怕嘅，香港都有好多機構幫助你，例如家計會、母親的抉擇等等，到時真係懷孕嘅話，再上嚟糖不甩，我哋再比唔同嘅方案你選擇啦。
今朝出咗去買咗支clearblue驗咗啦，因為我唔太信佢3分鐘有結果，所以我等咗成個鐘先敢掉支棒，都係得一條線，但我唔係用晨尿驗，朝早飲咗幾淡水先出門口，跟住過差唔多個幾鐘先驗，咁樣會唔會都唔係好準嫁？
我預咗聽朝用晨尿再驗多次
首先，都想了解番你最後一次發生嘅性行為，係幾多號發生？正如 @Kaleo_StickyRiceLove 所講，
都想了解一下你現時驗孕係咪都已經夠性行為7日後，還是已經夠11日後 
因為都會影響驗孕結果是否準確。
驗孕嘅時間，一般都會建議取「晨尿」去作驗孕。因為早上起身第一泡尿液，內含嘅hCG值濃度會係最高，亦會比較容易取得準確嘅驗孕結果。不過其實現時好多驗孕棒嘅牌子，敏感度同埋準確度都好高，除非驗孕棒說明書有建議／寫明，否則未必一定需要用「晨尿」去作驗孕，取其他時間嘅尿液去驗孕，都唔會有太大嘅影響 。
理想的話，其實可以選擇性行為11日後驗孕一次，然後再等待於預計來經日子再驗孕一次，從而透過反復測試去確認驗孕結果係咪準確。不過就要留意唔太建議於太近嘅日子持續驗孕，因為部分人可能會因為驗孕，而持續飲好多嘅水，都有機會稀釋左尿液內嘅hCG值，令驗孕結果無咁準確 
。
所以都建議睇番Clearblue驗孕棒上嘅說明書指引，睇下係咪一定要用「晨尿」。如果無特別提及的話，用驗孕當天的任何時間排尿驗孕，都唔會有太大影響啊 。
好多謝你地解答我嘅問題呀，我琴日終於黎咗m啦！
琴日朝早我用晨尿再驗多次都係一條線，跟住驗完冇耐就黎m
1個讚
咁就可以放心曬啦 