本身有食開yaz (24粒粉紅色+4粒白色)
如果今個月想提早兩三日黎m，我可唔可以食少幾粒粉紅色直接食白色？
會唔會有咩影響
Hello @Kayzz 
有催經或延經需要嘅時候，都建議先諮詢家計會或其他婦科醫生嘅意見，從而因應依個人嘅情況，比適當嘅藥物調整經期。
雖然係能夠透過調整避孕藥嘅服用方式，而令經期提前。不過因為已經服用咗避孕藥一段時間，藥效已經在體內建立咗，身體亦已經適應本身藥物所調整嘅月經週期，並非咁容易就能令來經日子提前。所以透過一般口服避孕藥令月經提前並非能即時有效，需要數星期前或者提早一個月經週期嘅準備，才能令月經提前，而身體不會有太大負擔。
而且要留意，透過避孕藥催經嘅過程，係會增加產生副作用嘅機會，例如噁心嘅感覺或嘔吐。亦會容易造成之後月經週期比較亂，一般需要等幾個週期先恢復正常 
。所以亦唔建議本身月經已經唔太規律嘅人士，去特意催經或延經啊。
雖然暫時未知你所指嘅提早兩三日來經，係確實指今個月咩日子，同埋你嘅預計來經日子係幾時 無論係咩日子都好，如果有催經打算，建議越早諮詢醫生越好，可以有較充足嘅時間去安排服藥方式，及讓身體有時間去調整月經週期及適應。如果你想提早嘅日子距離依家只剩下一星期，甚至不足一星期嘅時間，咁就黎唔切改變今次月經週期啦。