我食咗yaz 10個月，期間經期維持3日就結束，基本血量係就算全日只用1-2塊日用m巾都唔會過底，但我對於越來越少經血反而有啲擔心，怕一停藥就唔嚟m，所以想先停藥，等身體自然嚟返m先再食。
所以想問下：
-
我未食藥之前經期準時，但我知停藥後經期可能會亂，想知大概會有幾亂？
-
最好有冇話停幾個月？謝謝！
Hello @5DN1L 
首先，都想解釋番，因為服用避孕藥嘅時候，子宮內膜嘅增生會受到抑制，令子宮內膜變薄，所以月經量變少係好正常。有少數部分嘅人甚至經量少到幾乎沒有月經流量，都係屬於正常現象，所以唔洗太擔心啊。一般停藥之後，經血量就會慢慢變番多 。如果真係好擔心身體嘅狀況，建議諮詢完醫生，評估咗身體嘅狀況後，先再決定是否有需要停藥。
回應番你嘅問題：
-
一般停藥後，身體就會即時恢復生育能力，亦會有懷孕嘅風險。一般1至2個月內就會回復自然嘅排卵及月經週期。經期會亂嘅狀況都係因人而異，部分人可能會經血量變多或者經期唔規律。但係一般停藥3個月後，經期就會恢復正常。
-
因為暫時睇到經血量變少嘅情況係屬正常現象，所以如果真係考慮停藥的話，需要停幾多個月就建議睇醫生，與醫生因應你身體狀況再去決定
。
都想提番，如果未來都係有持續服用避孕藥嘅打算，其實停藥一方面會令你身體需要再重新恢復自然排卵，另一方面，之後重新開始服藥時，身體亦需時間再次適應藥效。如果只係短時間（例如1-2個月）停藥，雖然短時間內經血量會慢慢變多，但係再次服藥時，都擔心有機會到時經期會更亂 
。
所以都想知道你了解咗經血變少嘅原因，以及經血變少屬正常現象之後，會唔會比較安心番先啊～ 
1個讚